О́tken jyly bas qalany qosymsha kólemde jylýmen jabdyqtaýdy qamtamasyz etý úshin eki gaz jylý stansııasynyń qurylysy bastalǵany habarlanǵan edi.
«Elordany aralaý barysynda «Turan» jáne «Ońtústik-Shyǵys» gaz jylý stansııalarynyń qurylysymen tanystym. Olardyń qýaty qurylysy uzaqqa sozylǵan JEO-3-ten asyp túsedi», dep jazdy qala ákimi Instagram paraqshasynda.
Jeńis Qasymbektiń aıtýynsha, gaz jylý stansııalaryn aǵymdaǵy jylytý maýsymynda kezeń-kezeńimen iske qosý josparlanyp otyr.
«Sonymen qatar merdigerge JEO-3 qurylysyn bıyl aıaqtaý mindeti júkteldi. Osy sharalardyń bári jylýmen jabdyqtaý kólemin edáýir ulǵaıtýǵa, sol sııaqty bolashaqta qurylys jumysy júretin aýdandardy jylýmen qamtýǵa múmkindik beredi», dep qorytyndylady Astana ákimi.
