Májilis depýtaty Aıdarbek Qojanazarov máselege qatysty birqatar usynys bildirdi.
1) Sıfrlyq quraldardy paıdalana otyryp, sý resýrstarynyń biryńǵaı esebin iske qosý. Bul týraly kóp aıtylady, biraq ilgerileý tym baıaý.
2) Sý resýrstaryna jaýapkershilikti bir ǵana memlekettik organǵa júkteý. Sý derekterine ıelik etetin, sý resýrstaryn basqaratyn jáne kem degende 30-50 jylǵa qaraı tıimdi paıdalaný saıasatyn júzege asyratyn agenttik qurý qajet.
3) Avstralııa tájirıbesine súıene otyryp, sý paıdalanýshylardy sýdy únemdi paıdalanýǵa yntalandyratyn ádisterdi qoldanýdy usynamyz.
4) Gıdrotehnıkalyq qurylystardyń jobalyq-smetalyq qujattamasynyń ekonomıkalyq tıimdiligi men qurylys qunyn esepteýdiń durystyǵyn tekserý mańyzdy.
Budan bólek, Úkimetten ırrıgasııalyq jelilerdi damytý boıynsha tolyq málimetter jıyntyǵyn berýdi suraımyz.
Sondaı-aq Ulttyq qor qarajatynyń jedel mindetterge jumsalýyn boldyrmaý jáne qarajatty Qazaqstannyń sý qaýipsizdigi máselelerin sheshýge baǵyttaý múmkindigin qarastyrýdy usynamyz.
