Bul rette Natalıa Godýnova Ekologııa mınıstrliginiń aýdıti aıaqtalǵanyn atap ótti. 16 maýsymda aýdıt qorytyndylaryn qaraý boıynsha otyrys ótedi.
«Meniń oıymsha, otyrys barysynda taǵy bir qosymsha aýdıt júrgizý máselesi talqylanady. Aıta ketsem, TJM boıynsha áli aıaqtalmaǵan tekserý bar. Byltyr Qostanaı oblysynda, bıyl Abaı oblysynda bolǵan órtter kezinde TJM men Ekologııa mınıstrligi tıisti shara qabyldamaǵanyn eskere otyryp, biz qandaı da bir sheshimge kelemiz», dep túıindedi Natalıa Godýnova.
Sońǵy málimetter boıynsha, Abaı oblysynda 60 myń gektar orman órtendi. О́rt bir aptadan keıin ǵana oqshaýlandy. Qaıǵyly oqıǵa saldarynan «Semeı ormany» rezervatynyń 14 qyzmetkeri kóz jumdy. Keıin qutqarýshylar órt sóndirý jumystary kezinde habar-osharsyz ketken traktorshy Sergeı Arhıpovtyń máıitin de tapty. Bul rette qalyń jurt TJM men Ekologııa mınıstrligin qatań synǵa aldy. Al ormanshylyq oqıǵanyń aldyn alý úshin qajetti tehnıkamen jabdyqtalmaǵany belgili boldy.
