«Bizdiń álemdegi ornymyz, eń aldymen, ultymyzdyń sapasyna baılanysty bolmaq. Qýatty el bolamyz desek, birlese otyryp, birqatar mańyzdy saýalǵa jaýap berýge tıispiz. Biz bolashaǵy qandaı memleket quryp jatyrmyz? Ultymyz neni armandaıdy? Qazaqstan azamaty qandaı bolýy kerek? Elimizdiń basty tiregi ne? Mıssııasy qandaı?
Men búgin osyǵan qatysty oı-pikirimdi ortaǵa salǵym keledi. Biz qolǵa alǵan saıası-ekonomıkalyq reformalardy qoǵamdaǵy tereń áleýmettik-mádenı ózgeristermen qatar iske asyrýymyz kerek. Bul – mańyzdy mindet. Biz alǵa úzdiksiz qadam basýymyz kerek», dedi Prezıdent.
Osy rette Memleket basshysy eldi damytýǵa kedergi keltiretin nárseniń bárinen arylyp, qundylyqtarymyzdy nyǵaıta túsýimiz qajet ekenin aıtty.
«Qundylyqtarymyzdy nyǵaıta túskende ǵana ulttyń jańa sapasyn qalyptastyramyz, san ǵasyrlyq memlekettiligimizdiń tuǵyryn bekemdeımiz. Olaı bolmasa, damý kóshiniń sońynda qalyp, aqyrynda qurdymǵa ketemiz. Jalpy, qandaı da bir qundylyqty Jarlyqpen nemese Zańmen ornyqtyrý múmkin emes. Men muny óte jaqsy túsinemin», dedi ol.
