Bank bólimshesin 30 jastaǵy er adam basyp alǵany belgili boldy. Qolynda tapanshasy bar. Ol tórt adamdy kepilde ustap otyr. Eger onyń talaptary oryndalmasa, úsh saǵattan keıin birinshi adamdy óltiretinin aıtty.
Ol banktiń barlyq aktıvterin múgedek balalarǵa, kedeıler men muqtaj jandarǵa berýdi talap etti.
«Qazir fılıalda tek bank qyzmetkerleri ǵana bar, bólimshede klıentter joq. Polısııa qyzmetkerleri er adammen kelissózder júrgizip jatyr.
Kez kelgen aqparatty taratýǵa jaýapkershilikpen qaraýyńyzdy jáne quqyq qorǵaý organdarynyń jumysyna kedergi keltirmeýińizdi suraımyz. Kez kelgen jalǵan aqparat jaǵdaıdyń shıelenisýine ákelýi múmkin», dep túsindirdi Kaspi bank qyzmetkerleri.
