Elordanyń densaýlyq saqtaý salasynda mańyzdy mindetterdiń biri – kadr tapshylyǵyn joıý. Osy maqsatta Astana qalasynyń qoǵamdyq densaýlyq saqtaý basqarmasy mynadaı sharalar qabyldap jatyr:
2023 jylǵa jergilikti bıýdjetten medısınalyq mamandyqtarda oqý úshin 381 grant bólindi. О́tken oqý jylynda 19 mamandyq boıynsha 128 grant bólingen.
Jas mamandardy eskere otyryp, memlekettik densaýlyq saqtaý sektorynda medısınalyq kadrlardyń (jeke tulǵalardyń) tapshylyǵy 94,4%-ǵa tómendedi.
QR medısınalyq bilim jáne ǵylym uıymdarynda memlekettik bilim berý tapsyrysy negizinde bilim alǵan jas mamandardy bólý josparlanyp otyr, bul medısınalyq uıymdardyń qajettiligine sáıkes 300-ge jýyq adamdy quraıdy.
Kadr tapshylyǵyna áser etetin faktorlardyń biri – mamandardyń elordada baspanasynyń bolmaýy.
Bilikti kadrlardy tartý maqsatynda medısına qyzmetkerleri úshin tolyq áleýmettik paketti usyný, sondaı-aq turǵyn úımen qamtamasyz etý qajet. Qazirgi ýaqytta qalalyq qurylys basqarmasy Astana-Qaraǵandy tasjoly aýmaǵynda medısına qyzmetkerlerine arnalǵan jataqhana salý jobasyn iske asyryp jatyr.
Densaýlyq saqtaý mamandarynyń biliktiligin arttyrý josparyna sáıkes jergilikti bıýdjet qarajaty esebinen 2022 jyly shetelde jáne el ishinde 800-den astam (onyń ishinde Qazaqstan Respýblıkasynan tys jerlerde 69 adam) adam oqytyldy. Bıyl 1700-den astam adamdy oqytý (onyń ishinde Qazaqstan Respýblıkasynan tys jerlerde 45 adam) josparlanyp otyr.
2023 jyldyń alǵashqy toqsanynyń qorytyndysy boıynsha dárigerlerdiń ortasha jalaqysy barlyq tólemderdi, onyń ishinde syılyqaqy men jan basyna shaqqandaǵy keshendi normatıvtiń yntalandyrýshy komponentin, demalys, saýyqtyrý járdemaqylaryn, qyzmet kórsetý aımaǵyn keńeıtý úshin qosymsha aqylardy, keste boıynsha kezekshilikti, jeke qosymsha aqylardy, ótemaqy tólemderin jáne basqalaryn eskere otyryp, 544 myń teńgeni jáne orta medısınalyq personalda 337 myń teńgeni qurady.
Memleket basshysynyń tapsyrmasyn iske asyrý maqsatynda jyl basynan beri dárigerlerdiń jalaqysy 30%-ǵa, orta medısına qyzmetkeriniń jalaqysy 20%-ǵa ósti.
