Zańnyń negizgi maqsaty – shaǵyn elektrli kólik quraldaryn, sondaı-aq elektr skýterlerin paıdalaný máselelerin zańnamalyq retteýdi engizý. Sonymen qatar kólik quraldaryn memlekettik tirkeý men júrgizýshi kýálikterin jáne memlekettik tirkeýdiń nómirlik belgilerin daıyndaýǵa memlekettik monopolııa engiziledi.
Zań arqyly Qazaqstan Respýblıkasynyń «Jol júrisi týraly» jáne «Ruqsattar men habarlamalar týraly» eki zańǵa ózgerister men tolyqtyrýlar engizý usynylyp otyr.
Zańǵa «elektr skýteri» uǵymy engizildi, ol qurylǵylyq jyldamdyǵy saǵatyna 25 kılometrden aspaıtyn kólik quraly retinde tanylady jáne olar júre alatyn jerler anyqtaldy. Atap aıtqanda, zańmen engizilgen sharttar men tyıymdardy saqtaı otyryp, elektr skýterlerge joldyń júris bóliginiń oń jaq sheti boıynsha júrýine jol beriledi.
Sonymen qatar zańǵa sáıkes elektr skýterleri velosıped joldary men jol jıekterimen 25 km/saǵ aspaıtyn jyldamdyqpen jáne trotýarlar boıynsha jaıaý júrginshiler aǵynynyń jyldamdyǵymen saǵatyna 6 km-den aspaıtyn jyldamdyqpen shekteýsiz júre alady.
Komıtet músheleri talqylaý qorytyndysy boıynsha zańdy Palata otyrysynda qaraýǵa jiberý týraly sheshim qabyldady.
