Sharaǵa 9500 túlek qatysty. Sonyń ishinde 286 túlek altyn belgige, 607 túlek úzdik attestatqa bitirip jatyr.
«Jalpy mektep túlekterine arnalǵan bundaı aýqymdy shara tuńǵysh ret ótkizilip jatyr. Bul eń birinshiden elordanyń týǵan kúnine arnalady. Sharaǵa arnaıy spıkerler shaqyryldy. Ári tanymal ánshilerdiń qatysýymen túlekterge arnalǵan konserttik baǵdarlama josparlandy. Al bıylǵy oqý jylyna keletin bolsaq, jyl tabysty aıaqtaldy. О́tken jylǵa qaraǵanda oqý sapasy joǵary. Máselen, bıyl bitirip jatqan 80 túlek halyqaralyq deńgeıdegi olımpıadanyń jeńimpazy atandy. Altyn belgige úmitkerler bilimin abyroımen dáleldep shyqty», dedi Bilim basqarmasy basshysy Qasymhan Sengazıev.
Is-sharaǵa Parlament Senatynyń tóraǵasy Máýlen Áshimbaev qatysyp, túlekterdi arnaıy quttyqtady.
«Qurmetti jastar, búgin sizder úshin óte erekshe kún. Sebebi sizder úlken ómirge qadam basyp jatyrsyzdar. Bul kóńil tolqytatyn, bolashaqqa zor úmitpen qaraıtyn mańyzdy sát. Sizder ustazdaryńyz ben ata-analaryńyzdyń úmitin aqtap, bıik belesterdi baǵyndyrasyzdar dep senemiz», dedi Máýlen Áshimbaev.
Sondaı-aq Senat tóraǵasy Memleket basshysy Qasym-Jomart Toqaevtyń quttyqtaý hatyn oqydy.
Sonymen qatar barsha túlek atynan Serik Beksultan pen Ádemi Ámireeva quttyqtaý sóz sóılep, alǵystaryn bildirdi.
Mektep túlekterin arnaıy quttyqtaýǵa kelgen Astana qalasynyń ákimi Jeńis Qasymbek túlekterge sát-sapar tiledi.
«О́mirlerińizdi eń tamasha, eń mańyzdy kezeń - mektep bitirýlerińizben shyn júrekten quttyqtaımyn. Búgin mektep bitirseńizder, erteń eldiń bolashaǵyn qurasyzdar. Biz sizderdi maqtanyshpen «elorda túlekteri» dep aıta alamyz», dedi ol.
Shara barysyndaǵy erekshe jaıt, mektep túlekteri 2050 jylǵy túlekterge arnap amanat qaldyrdy. Túlekter jazǵan joldaý oqýshylar saraıyna tabystalyp, 25 jyldan keıin ǵana ashylady. Buny túlekter «tarıhı estafeta» dep atady.
«Elorda maqtanyshy» forým-konsertine Ǵylym jáne joǵary bilim mınıstri Saıasat Nurbek te qatysty.
Mınıstr elimizdiń ǵylymı baǵyty jaıly sóz qozǵap, joǵary bilim salasyndaǵy jańalyqtardy bólisip, iri seriktestikter týraly aıtyp berdi.
«Memleket basshysy Germanııa Prezıdentimen kezdesken kezde Qazaqstandy úlken ǵylymı zertteý ortalyqqa aınaldyrǵysy keletin armany bar ekenin aıtty. Sizderdiń ortalaryńyzda myqty mamandar, ǵalymdar otyrǵanyna senimdimin», dedi Saıasat Nurbek.
Sondaı-aq Ǵylym jáne joǵary bilim mınıstri túlekterdi quttyqtap, óz keńesin berdi.
«Sizderge aıtar keńesim, birinshi - armandaryńyz bıik bolsyn. Adamnyń armany bıik bolmasa, kúndelikti ómirde joǵalyp ketedi. Ekinshi - aǵylshyn tilin úırenińizder. О́ıtkeni barlyq aqparat aǵylshyn tilinde», dedi mınıstr.
Mektep túlekteri osyndaı aýqymdy shara uıymdastyrylǵany úshin alǵystaryn bildirdi. Abaı Qunanbaıuly atyndaǵy 87 mektep gımnazııasynyń túlegi, «Altyn belgi» ıegeri Almas Aıtjanov búgingi shara týraly tolqynyspen aıtyp berdi.
«Búgin meniń týǵan kúnim. Týǵan kúnimmen qatar kelip jatqan osy úlken toıdyń, merekeniń mańyzy erekshe. О́te erekshe kesh boldy. Laýazymdy tulǵalar quttyqtady. Áıgili juldyzdar qonaqta boldy. Spıkerler kelip, motıvasııalyq sózderin arnady. Bul biz úshin úlken qýanysh. Úlken ómirge qadam bastyq. Jaýapkershilik kóp. Men ózim kásipkerlik baǵytyn tańdap otyrmyn. Shetelde bilim alyp, elime paıdamdy tıgizgim keledi», dedi ol.
