Qazaq óneri – Tashkent tórinde

Qazaq mádenıeti kúnderiniń saltanat­ty­ jabylýyna Mádenıet jáne sport mı­nıstri Ashat Oralov qatysty. Ol jı­nalǵan kórermenge baýyrlas qazaq hal­qynyń ystyq sálemin jetkizip, Qazaq­stannyń mádenıet kúnderin uıym­das­ty­rý­ǵa kómekteskeni úshin ózbek tarapyna al­ǵy­syn bildirdi.

«Birneshe kún ishinde О́zbekstannyń iri qala­larynda qazaqstandyq fılmderdiń kór­setilimderi, ártisterimizdiń gala-kon­sert­teri jáne basqa da is-sharalar ótti. Qazaq­stannyń mádenıet kúnderin «Abaı» opera­synyń kórsetilimi aıaqtaıdy. Abaı Qunan­baıuly – qazaq halqynyń ǵana emes, búkil álem úshin dańqty tulǵa. Abaı árqa­shan adamzat balasyn súıýge shaqyrǵan. Osy qaǵıdalarǵa súıene otyryp, biz ózbek­ áriptesterimizben qarym-qatynasty n­y­ǵaı­tý baǵytynda jumys isteımiz dep ýaǵ­da­lastyq. О́zbekstan Respýblıkasynyń má­denıet jáne týrızm mınıstrligine rýha­nı­ qoldaý kórsetkeni jáne kómekteskeni úshin­ erekshe rahmet aıtamyn», dedi mınıstr.

Vedomstvo basshysy О́zbekstanǵa ju­mys­ sapary aıasynda Tóle bı kesenesi men álemdegi eń kóne Quran qoljazbasy saq­talǵan Hast-Imam meshitin arala­dy.­ Sonymen qatar ózbek áriptesi Ozod­bek­ Nazarbekovpen ekijaqty kezdesý ótki­zip, eki eldiń mádenıet jáne týrızm salasyndaǵy yntymaqtastyqty tal­qy­la­dy.

О́zbekstandaǵy Qazaq mádenıeti kún­­­deriniń tórtkúndik baǵdarlamasyna saı 20 maýsymda Tashkenttegi «Túrkistan» óner saraıynda Roza Baǵlanova atyndaǵy «Qazaq­konsert» MKU ártisteriniń gala-kon­serti ótti. Sahnaǵa Qazaqstannyń eńbek sińirgen qaıratkerleri Saltanat Ah­metova men Álisher Kárimov, «Daryn» mem­lekettik jastar syılyǵynyń laýreaty­ Rýhııa Baıdúkenova, respýblıkalyq jáne halyq­aralyq baıqaýlardyń laýreattary Dinıslambek Jaılaýbaı, Saltanat Meńdi­ǵalıeva, Dıdar Ábdihalyq, GULDER ansam­bli men TURAN etno-folklorlyq ansam­bliniń ártisteri shyqty. Mundaı gala-konsertter О́zbekstannyń basqa qala­la­rynda da ótti.

Qazaq ónerpazdary 22 maýsymda Samar­qand oblystyq mýzykalyq-drama teat­rynda, 23 maýsymda Buharadaǵy jas­tar ortalyǵynyń konsert zalynda óner kórsetti. Al Tashkent qalasyndaǵy Áli­sher Naýaı atyndaǵy kınoteatrda 20-23 maýsym aralyǵy qazaq kınosyna­ ar­naldy. Baǵdarlamaǵa «Muqaǵalı» (re­­jısseri Bolat Qalymbetov), «Dos-Muqa­san» (rejısseri Aıdyn Sahaman), «Para­lımpıadashy» (rejısseri Aldııar Baıraqymov), «Startta» (rejısseri Ernar Nurǵalıev), «1941 jyldyń jazy» (rejıs­se­ri Bekbolat Shekerov) kınokartına­lary, «Sultan Beı­­barys» lentasy (rejısseri Bolat Mansurov) jáne «Kenje qyz», «Besik jyry», «Ámen-aǵa aǵashy» anımasııalyq fılm­deri endi.

Aıta keteıik, qazaq óneriniń ózbek tórin­degi bul sapary aldaǵy ýaqytta da jal­ǵas­paq.­ Bıyl О́zbekstan Respýblıkasynda M.О́s­kin­baev atyndaǵy Mańǵystaý oblys­tyq fılarmonııasynyń gastroldik sapary josparlanyp otyr.