90 shaqyrymnan astam jerge saparǵa shyqqan adam qurbandyq shalýǵa mindetti emes. Biraq nápil retinde qurbandyq shalsa, saýapqa keneledi.
Alaıda jolaýshy aıt kúnderiniń demalysyn paıdalanyp nemese basqa da sebepterge baılanysty saparlap barǵan jerinde qurban shalýyna ruqsat etiledi. Onyń saparǵa shyqqany qurban shalýyna jáne qulshylyǵynyń qabyl bolýyna kedergi bolmaıdy.
Jolaýshy saparda júrip qurban shalyp, aıt kúnderi bitpeı jatyp úıine qaıtsa, oǵan ekinshi ret qurban shalý mindetti emes. Sondaı-aq aıt kúnderiniń basynda turǵylyqty bolyp, keıin aıt kúnderiniń ishinde saparǵa shyqsa da oǵan qurban shalý mindettelmeıdi. Al eger aıttyń birinshi kúni saparda bolyp qurban shalmasa, keıin aıt kúnderi úıine qaıtsa, oǵan qurban shalý tıis bolady.
«Qurbandyq pátýalary» kitabynan
