«Búginde polısııa qyzmetiniń servıstik modeli engizilip jatyr. Pılottyq jobalar qolǵa alyndy. Sonyń arqasynda turǵyndarmen tyǵyz jumys isteıtin bólimshelerdiń qyzmeti retteldi.
«Jurtqa jaqyn polısııa» qaǵıdatyn ornyqtyrý úshin naqty sharalar qabyldanýda. Osy qarqyndy toqtatpaý kerek. Pılottyq joba aıasynda qol jetken jetistikpen shektelip qalýǵa bolmaıdy. Ashyǵyn aıtqanda, qyzmet kórsetýdiń servıstik modeli týraly tek mamandar ǵana aıtyp júr. Qarapaıym azamattar men qoǵam ókilderi pikir bildirip jatqan joq. Bul – halyq onyń naqty nátıjesin, oń ózgeristerdi kórip jatqan joq degen sóz», dedi Prezıdent.
Memleket basshysy sotqa deıingi tergeý salasynyń mańyzy jaıly atap ótti.
«Sondaı-aq sotqa deıingi tergeý salasyna da nazar aýdarǵan jón. Bul – quqyq qorǵaý júıesindegi memlekettik qyzmettiń erekshe bir túri. Árıne, onyń ózindik ishki tártibi men erejeleri bar», dedi Qasym-Jomart Toqaev.
