Jetisý óńirine arnaıy issaparmen kelgen QHR Shyńjań-Uıǵyr avtonomııalyq aýdanyna qarasty Ile Qazaq avtonomııalyq okrýginen delegasııany okrýgtik partııa komıtetiniń hatshysy Iаn Sıýlı bastady. Kezdesýge oblys ákiminiń orynbasarlary, basqarma basshylary, «Qorǵas – Shyǵys qaqpasy» arnaıy ekonomıkalyq aımaǵynyń jetekshileri qatysyp, sheteldik áriptesterimen kelissóz jasady.
Jıyndy ashyp, júrgizgen oblys ákimi Beıbit Isabaev: «Jer jannaty Jetisý oblysyna qosh keldińizder! О́zderińizben júzdesip otyrǵanymyzǵa qýanyshtymyn jáne alǵys bildiremin. Búgingi kezdesýdiń maqsaty – eki tarapty baılanysty odan ári jetildirý. Jetisý oblysy – ınvestısııalyq múmkindigi zor aımaq. О́ńirde 5 strategııalyq baǵyt boıynsha jańa ınvestorlar tartý, óńirdiń ınvestısııalyq áleýetin arttyrý jumystary júrgizilýde. Atap aıtqanda, agroónerkásip keshenin damytý, kólik jáne logıstıka, týrızm, balamaly energetıka jáne ónerkásip, onyń ishinde jer qoınaýyn paıdalanýdy damytý salalary bar», dep aıtylǵan salalardyń jumysyn tanystyryp ótti. Sondaı-aq óńir basshysy eki eldi baılanystyryp, shekarada turǵan «Qorǵas – Shyǵys qaqpasy» arnaıy ekonomıkalyq aımaǵynyń múmkindigine erekshe toqtaldy. «Bizdiń eń basty perspektıvaly baǵytymyz – óńirimizdiń tranzıttik áleýeti. Iаǵnı Qytaıdan Eýropaǵa júkti 11 kúnde jetkizýge múmkindik beretin «Batys Eýropa – Batys Qytaı» transqurlyqtyq avtomobıl jol dálizi bizdiń aımaq arqyly ótedi», dedi B.Isabaev.
Sóz barysynda óńir basshysy Qytaı eline jasaǵan jumys saparyn eske aldy. Aıta keteıik, Qazaqstandaǵy «Qorǵas – Shyǵys qaqpasy» arnaıy ekonomıkalyq aımaǵyn basqarý kompanııasy» AQ, «Qazaqstan-Qytaı halyqaralyq ónerkásiptik qalasy» JShS jáne Qytaı Halyq Respýblıkasynyń «Halyqaralyq shekara mańy yntymaqtastyǵy ortalyǵy» yntymaqtastyq týraly memorandým jasasqan edi. Bul óz kezeginde logıstıkany kedergisiz damytýǵa yqpal etetin bolady.
«Qorǵas – Shyǵys qaqpasy» arnaıy ekonomıkalyq aımaǵy Qytaı men Ońtústik-Shyǵys Azııadan TMD elderi men Eýropaǵa deıingi mańyzdy marshrýttardyń toǵysynda, geografııalyq turǵydan tıimdi ornalasqan. Arnaıy ekonomıkalyq aımaq aýmaǵyna Qurǵaq port, jalpy aýdany 5 myń gektarǵa jýyq logıstıkalyq jáne ındýstrııalyq aımaqtar kiredi jáne olar qajetti ınjenerlik ınfraqurylymmen qamtamasyz etilgen.
Jıynda oblys basshysy qytaılyq kompanııalardy aımaq ekonomıkasyna ınvestısııa salýǵa shaqyryp, ekijaqty áriptestikti nyǵaıtýǵa múmkindik beretin jáne tıimdiligi joǵary salalardy tanystyrdy.
Odan soń sóz alǵan Ile Qazaq avtonomııalyq okrýgi partııa komıtetiniń hatshysy Iаn Sıýlı Jetisý jerindegi jylyjaı sharýashylyǵynyń damýyna, aýyl sharýashylyǵyna tehnologııa engizý sharalaryna, onyń ishinde tamshylatyp sýarý tehnologııasyn keńinen qoldanýǵa qyzyǵýshylyq tanytyp, óndiris pen týrızm salasynda birlese jumys isteýdiń múmkindigine toqtaldy. Sondaı-aq eki óńirdiń arasyndaǵy baılanysty bekitýge qajetti shekaralyq beketterden adam ótkizý kólemin ulǵaıtý máselesin qaıta qaraýdy usynys retinde ortaǵa salyp, qolǵa alynǵan sharalar eki taraptyń ekonomıkalyq damýyna serpin bererine senim artty.
Kezdesý sońynda eki tarap birqatar qujatqa qol qoıyp, aradaǵy baılanysty nyǵaıtýdyń alǵyshartyn jasady. Atap aıtqanda, oblys ákiminiń orynbasary Ernat Bázil men QHR Ile Qazaq avtonomııalyq okrýgi ákiminiń orynbasary Kenjehan Dálelbek saýda-ekonomıkalyq áriptestik týraly kelisimge, Jetisý oblysynan barǵan delegasııanyń mamyr aıyndaǵy saparynyń otyrysyndaǵy protokolyna qol qoıyp, qos taraptyń tıimdi áriptestigine qajetti jumys tobynyń quramy bekitildi. Endi aldaǵy qarym-qatynasqa qajetti jobalardy júzege asyrýdy quramy jańadan bekitilgen jumys tobyn qolǵa alyp, naqty kompanııalarmen jumys isteı bastaıdy.
Ile Qazaq avtonomııalyq oblysynan kelgen delegasııa eki kúnniń ishinde «Nur joly» avtokólik ótkizý beketine baryp, «Qorǵas – Shyǵys qaqpasy» arnaıy ekonomıkalyq aımaǵynyń jumysymen, Panfılov aýdanyndaǵy aýylsharýashylyq salasynyń damýymen tanysty.
Jetisý oblysy
