Bul is boıynsha 14 qyz tergeýge alynyp, úsh boıjetken aıyptalýshy dep tanylǵan.
Shyǵys Qazaqstan oblysynyń kámeletke tolmaǵandar isteri jónindegi mamandandyrylǵan aýdanaralyq soty kámeletke tolmaǵan qyzdarǵa qatysty qylmystyq isti QR Qylmystyq kodeksiniń 293-baby 2-bóliginiń 1-tarmaǵy (aldyn ala sóz baılasý arqyly adamdar toby buzaqylyq jasaý) QR QK 194-baby 2-bóliginiń 1,2-tarmaǵy (kúsh qoldaný, adamdar toby aldyn ala sóz baılasýy arqyly bopsalaý) boıynsha júrgizgen edi.
Nátıjesinde, kúdikti dep tanylǵan 2 boıjetkendi úsh jylǵa bas bostandyǵynan aıyrý jazasy, al úshinshi qyzǵa bir jylǵa bas bostandyǵynan shekteý jazasy taǵaıyndaldy.
«Sot istiń mán-jaıyn jáne kúdikti taraptyń jeke basyn, jábirlenýshilerdiń pikirlerin, quqyqqa qaıshy áreketterdiń sıpatyn eskere otyryp A jáne T esimdi kúdikti qyzdarǵa QR QK 293-baby 2-bóliginiń 1-tarmaǵy boıynsha 1 jyl bas bostandyǵyn shekteý, QR QK 194-baby 2-bóliginiń 1,2-tarmaqtary boıynsha úsh jyl merzimge bas bostandyǵynan aıyrý túrinde jaza taǵaıyndady, túpkilikti jaza QR QK 293-baby 2-bóliginiń 1-tarmaǵyna sáıkes úsh jylǵa bas bostandyǵynan aıyrý. Al O esimdi kúdiktini bir jyl merzimge bas bostandyǵyn shekteý túrinde jaza taǵaıyndaldy», delingen sot habarlamasynda.
Sondaı-aq jábirlenýshiniń paıdasyna 9 000 000 teńge somasynda moraldyq zııandy óteý óndirilgenin atap ótti.
Úkim zańdy kúshine engen joq.
