Shahar shejiresi

Astana – talaı dáýirdi bas­­tan keshken kóne qalalar­dyń jalǵasy. Munda baba­larymyzdyń júrip ótken joly jatyr. Eńseli ǵıma­rat­tar men záýlim nysandar kóz tartqanymen, tereńine boılasańyz shejireli derek­ter menmundalaıdy. Erkin­diktiń emlesinde erke shahar­dyń árbir qalanǵan kirpishi azattyǵymyzdyń baspaldaǵy sekildi. Ony Astana qalasy memlekettik arhıviniń Ult­tyq arhıvpen birlesip ótkizgen «She­jire tunǵan elorda» atty jıy­nynda ańǵardyq.

Kezdesý aıasynda qazirgi Astana aýmaǵynda ornalas­qan ortaǵasyrlyq Bozoq qala­shyǵynan bastap, Aqmola bekinisi, Selınograd qalasy jáne Táýelsizdik kezeńine de­ıingi Astananyń damý tarıhy jazylǵan «Istorııa stolısy Kazahstana. Materıaly ı rasskazy po ıstorıı goroda» kitabynyń tusaýkeseri ótti. Sonymen qatar sharaǵa jı­nal­ǵan jas oqyrmandarǵa «Shahar shejiresi» atty derekti kórme usynyldy.

Derekti kórmeniń ekspo­­zısııasyna Ulttyq arhıv­tiń, Astana qalasy memle­ket­­tik arhıviniń, Orta­lyq mem­­­lekettik kıno­foto­qu­jat­­tar men dybys jazbalary arhıviniń jáne Tuńǵysh Pre­zıdent kitaphanasynyń biregeı arhıvtik qujatta­ry men fotomaterıaldary qo­ıylyp, qala turǵyndaryna túsindirme jumystary júr­gizildi.

Is-shara barysynda Roza Baǵlanova atyndaǵy №2 Ba­la­lar mýzyka mektebiniń bir ­top oqýshysy «Ulttyq dom­by­ra kúnin» dáripteý maqsa­tyn­da birqatar kúı oryndap, Astanaǵa arnalǵan jyr-shý­maqtaryn jetkizdi. Keleli kezdesý sońynda oqýshylar men arhıv qyzmetkerleri estelik sýretke túsip, qalanyń kórikti jerlerin aralady.