«Bul Zańnyń maqsaty nede, ne úshin kerek degen suraqtardy estımin. Búgingi tańda qoldanystaǵy zańnama zańsyz múlikti qylmystyq prosestik jáne ákimshilik prosestik tártippen ǵana qaıtarýǵa múmkindik beredi. Bul uzaq ýaqyt alady, jáne nátıjeli bola bermeıdi. Al Osy Zań arqyly biz zańsyz satyp alynǵan aktıvterdi qaıtarý boıynsha jańa quraldar jınaǵyn alamyz. Iаǵnı halyqaralyq tájirıbege saı aktıvterdi azamattyq tártippen erikti nemese májbúrlep qaıtarýǵa negizdelgen jańa rásimder paıda boldy», dep jazdy Maksım Rojın Facebook jelisinde.
Onyń jazýynsha, atalmysh zańdy ázirleý kezinde Ulybrıtanııa, AQSh, Germanııa, Kanada, Avstralııa jáne basqa elderdiń qylmystyq is júrgizýden tys, ıaǵnı azamattyq sot isin júrgizý sheńberinde azamattyq tárkileý arqyly múlikti tárkileý tetikterin qoldanatyn tájirıbesi zertteldi.
«Aktıvterdi qaıtarý barysynda ashyqtyq bolady ma degen suraq kópshiliktiń kókeıinde júr. Onyń ashyq bolýyn qamtamasyz etý maqsatynda turaqty negizde jumys isteıtin komıssııa qurylady. Komıssııanyń negizgi fýnksııasy - zańsyz alynǵan aktıvterdi qaıtarý boıynsha usynystar ázirleý. Bul usynystardy ýákiletti organ qaraýǵa mindetti.
Eger naqty bir adamnyń aktıvteriniń zańdylyǵyna kúmán týsa, Komıssııanyń usynysy boıynsha ýákiletti organ mundaı adamdy tizilimge engizýi múmkin. Tizilimde sýbektiler jáne olardyń úlestes adamdary týraly málimetter bolady.
Azamattyq tárkileý jónindegi barlyq negizgi sheshimder komıssııa arqyly ótedi.Aktıvterdi tárkileý tek sot sheshimi boıynsha ǵana júzege asyrylady. Adamdar azamattyq sot isin júrgizý sheńberinde sheshimderge shaǵymdana alady.
Osylaısha, aktıvterdi qaıtarýǵa qoıylatyn halyqaralyq standarttardyń talaptary qarapaıym: bári zańǵa negizdelýi tıis, tıisti prosess bolýy kerek, sot tarapynan baqylaý bolýǵa tıis jáne qoǵam úshin ashyq bolýǵa tıis», dep jazdy Maksım Rojın
