Is-sharada Ulttyq arhıv dırektory Saǵıla Nurlanova qor ıesiniń ómiri men ǵylymı eńbekterine toqtalyp, qor ıesi Á.Úsenovtyń qyzy Baıan Ánýarbekqyzyna saltanatty túrde sertıfıkat tabys etti.
Is-sharada Ánýarbek Úsenov týraly estelikter men elge jasaǵan qyzmeti týraly jyly lebizder aıtyldy. Arhıv qyzmetkerleri daıyndaǵan Ánýarbek Úsenovtiń Qazaqstannyń tústi metallýrgııa jáne altyn shyǵarý salalaryna arnalǵan eńbek jolynan túsirilgen beınebaıan kórsetildi.
Úsenov Ánýarbek eńbek jolyn 1957-1966 jyldary О́skemen qorǵasyn-myrysh kombınatynda masterdiń kómekshisinen seh bastyǵynyń orynbasary bolyp bastap, Lenınogorsk myrysh zaýytynyń dırektory, Qazaq KSR-i tústi metallýrgııa mınıstriniń orynbasary, birinshi orynbasary deńgeıine deıin kóterilip, Qazaq memlekettik baǵaly metalldar jáne almas ǵylymı-zertteý, jobalaý-konstrýktorlyq jáne tehnologııa ınstıtýtynyń dırektory, Qazaq memlekettik baǵaly metalldar jáne almas ǵylymı-zertteý, jobalaý-konstrýktorlyq jáne tehnologııa ınstıtýtynyń dırektory, 1991-1993 jyldary Qazaq memlekettik «Kaz almas» konsorsıýmynda vıse-prezıdenti, bas dırektor qyzmetterin, 1993 jyldan ulttyq aksıonerlik «Altynalmas» kompanııasynyń birinshi vıse-prezıdenti, «Altyn» AQ-nyń prezıdenti qyzmetterin atqarǵan.
Ánýarbek Úsenov ǵylymı eńbekterin Qazaqstannyń tústi metallýrgııa jáne altyn shyǵarý salalaryna arnady. Onyń tikeleı basshylyǵymen Qazaqstanda alǵash ret shıkizattyń ár túrinen hımııalyq taza altyn men kúmis alý tehnologııasy jasalyp, «Selınnyı ken-hımııa kombınaty» óndiristik birlestigimen jáne ǵylymı-zertteý ınstıýttarymen birlese otyryp «Qumdykól» ken ornynan tehnıkalyq almas óndirý boıynsha ǵylymı-zertteýler júrgizdi.
Ánýarbek Úsenovtiń engizgen jańalyqtary ǵylymda, óndiriste keńinen qoldanylyp, Qazaq metallýrgııasyna sińirgen eńbegi elenip, Qazaq KSR-i Memlekettik syılyǵynyń ıegeri, KSRO-nyń Qurmetti metallýrgi, Eńbek Qyzyl Tý ordenderimen jáne medaldarymen marapattaldy.
