Qazaqstan ulttyq arnasy taratqan aqparatqa sáıkes, elektr jelilerindegi apatty joıyp, qalpyna keltirý jumystarymen 10 brıgada aınalysyp jatyr. Qala turǵyndary jaryq bolmaǵan soń aýyzsý da ýaqytyly berilmeı jatqanyna shaǵymdanyp otyr.
Tolassyz jańbyr saldarynan kóp qabatty turǵyn úıler men oblystyq balalar aýrýhanasy, estý qabileti nashar balalarǵa arnalǵan mektep-ınternatynyń jertóleleri sýǵa toldy. Jeke turǵyn úılerdiń aýlasyna da sý kirgen.
Tótenshe jaǵdaılar departamentinde jedel shtab qurylyp, arnaıy mamandar jumysqa kiristi.
