«Búginnen bastap, basqa jumysqa aýysýyma oraı, Ekologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń tóraǵasy qyzmetin toqtatamyn. Elimizdiń tabıǵat qorǵaý salasynyń damýyna úles qosý men úshin úlken abyroı jáne jaýapkershiligi mol qyzmet boldy. Áriptesterime alǵys bildire otyryp, aldaǵy eńbekterine sáttilik tileımin!», dep jazdy Nurlan Qylyshbaev óziniń Instagram paraqshasynda.
Nurlan Qylyshbaev 1971 jyly Taldyqorǵan qalasynda týǵan. Qazaq Eńbek Qyzyl Tý ordendi aýyl sharýashylyǵy ınstıtýtyn, D.A.Qonaev atyndaǵy gýmanıtarlyq ınstıtýtyn támamdaǵan.
Eńbek jolyn 1993 jyly «Taldyqorǵan – Nıjnıı Novgorod» saýda úıiniń jetekshi mamany bolyp bastaǵan.
1994-1999 jyldary Taldyqorǵan orman sharýashylyǵy óndiristik birlestiginiń jetekshi ınjeneri, Qazaqstan Respýblıkasy Ishki ister mınıstrligi organdarynda qyzmet etti, sonymen qatar Taldyqorǵan qalasy ákiminiń kómekshisi boldy.
1999-2013 jyldar aralyǵynda Jambyl oblysy ákiminiń apparatynda, Almaty oblysynyń tabıǵı resýrstar basqarmasynda túrli qyzmetter atqarǵan, kommersııalyq uıymnyń prezıdenti bolǵan.
2013-2016 jyldary - Almaty oblysy Eskeldi aýdanynyń ákimi.
2016-2017 jyldary - altynshy saılanǵan Qazaqstan Respýblıkasy Parlamenti Senatynyń depýtaty, Áleýmettik-mádenı damý jáne ǵylym jónindegi turaqty komıssııanyń múshesi.
2019-2021 jyldary - Qazaqstan Respýblıkasy Parlamenti Senaty janyndaǵy Senatorlar keńesiniń hatshysy.
Nurlan Qylyshbaev 2022 jyldyń 4 aqpanynda QR Ekologııa mınıstrligi Orman sharýashylyǵy jáne janýarlar dúnıesi komıtetiniń tóraǵasy bolyp taǵaıyndalǵan edi.
