Qazaqstan tarapynan shartqa Ulttyq seksııanyń bas komıssary Dáýlet Erkimbaev, Japonııa tarapynan qaýymdastyqtyń Bas hatshysy Hıroıýkı Ishıge, EXPO-2025 Osaka Dúnıejúzilik kórmesiniń Bas komıssary Kodjı Haneda qol qoıdy.
«Japonııada ótetin EXPO-2025 kórmesine daıyndyqty bastap kettik. Barlyq uıymdastyrýshylyq suraqtar men «О́mirlerdi qutqarý» taqyryptyq klasterinde ornalasatyn pavılonymyzdy tolyq pysyqtap jatyrmyz. Kórmeniń bastalýyna eki jyl bar, biraq is júzinde az ýaqyt qaldy. Kórme 2025 jyldyń 13 sáýirinde ashylyp, 13 qazanynda aıaqtalady. Uıymdastyrýshylardyń boljamy boıynsha, kórmege álemniń 150 elinen 28 mıllıonnan astam adam kelýi tıis, sondaı-aq 25 halyqaralyq uıym ókilderi qatysady dep josparlanyp otyr», dep atap ótti D.Erkimbaev.
Aıta ketsek, EXPO-2025 Osakadaǵy Iýmeshıma jasandy aralynda ótedi. «Bizdiń ómirimiz úshin bolashaq qoǵamyn qurý» kórmesiniń taqyryby úsh taqyrypshadan turady: «О́mirlerdi qutqarý», «Quqyq men múmkindikterdi keńeıtý» jáne «О́mirlerdi biriktirý». Kórmeniń jalpy aýdany shamamen 155 ga quraıdy. Qazaqstan pavılony Italııa, Nıderland, Sıngapýr jáne Bolgarııa pavılondarymen kórshiles ornalasatyn bolady.
