Jıynǵa Qurylys jáne TKSh isteri komıtetiniń ókilderi jáne oblys ákimderiniń orynbasarlary qatysty. Onyń barysynda Qurylys jáne TKSh isteri komıteti tóraǵasynyń orynbasary Ázimbek Pazylbekuly óńirlerdiń bıylǵy jylý berý maýsymyna daıyndyǵy týraly aıtyp berdi.
Máselen, kóshpeli tekserýlerdiń qorytyndysyna sáıkes, qazir josparlanǵan 127 shaqyrymnyń 26 shaqyrymyna jylý jelileri tartyldy. Elimiz boıynsha 600-ge jýyq shaqyrymdaı jylý ınfraqurylymyn jóndeý josparlanǵan. Qazir onyń 224 shaqyrymy nemese 38% jóndeldi.
Aldaǵy jylý berý kezeńine 13 myńnan artyq (13 525) derbes jumys isteıtin qazandyqty daıyndaý qajet. Qazir olardyń 5 myńnan astamy nemese 37%-y daıyn tur.
Sýmen jabdyqtaý jelilerine kelsek, 1,4 myń shaqyrymdaı jerge jóndeý júrgizý kózdelgen. Onyń shamamen 400 shaqyrymyna nemese 30% jóndeldi. Sý burý jelileri boıynsha 228 shaqyrymǵa sozylǵan ınfraqurylymdy retke keltirý josparlanyp otyr. Qazir 72 shaqyrym jeli nemese 30% jóndelip aıaqtaldy.
Sondaı-aq Á.Pazylbekuly áleýmettik nysandar men turǵyn úılerdiń daıyndyǵy týraly aqparatty jetkizdi. Onyń aıtýynsha, qazir josparlanǵan 10,7 myń nysannyń 5 myńy qysqy kezeńge daıyn. Olardyń deni bilim berý uıymy. Buǵan qosa 5,5 myńnan asa densaýlyq saqtaý nysanyn daıyndaý jumystary qarqyn alǵan. Qazir olardyń 3 myńy nemese 52% daıyn.
Keńesti túıindegen M.Qarabaev 2023-2024 jylǵy jylý berý kezeńin oıdaǵydaı ótkizý úshin ákimdikterge ınjenerlik ınfraqurylymnyń jóndeý jumystarynyń qarqyndatyp, qyrkúıektiń sońyna deıin aıaqtaýdy qamtamasyz etýdi, sonymen birge turǵyn úı, densaýlyq saqtaý nysandarynyń ýaqtyly daıyndyǵyn uıymdastyrýdy tapsyrdy.
