Elordadaǵy «Beeline Arena» sport keshenindegi bilekti balýandar básekesinde jerlesterimiz úzdikter qatarynan kórinip, jalpy sany 23 medal (6 altyn, 4 kúmis jáne 13 qola) jeńip aldy. Bul kórsetkishpen otandastarymyz tek Reseı quramasyn alǵa jiberip, jalpykomandalyq esepte ekinshi orynǵa ıe boldy. Úzdik úshtikti Túrikmenstannyń balýandary túıindedi.
Elimizde osymen tórtinshi márte uıymdastyrylǵan álem chempıonatynda el namysyn 42 sportshy (32 ul, 10 qyz) qorǵady. Jarystyń sońǵy kúninde Qazaqstan sportshylarynan Qalmuhan Turmahanbet (57 kg), Ádilet Shalǵynbekuly (62 kg), Aqtóre Sultanbekuly (75 kg), Toqtarbek Aıdarbek (90 kg) jáne Bekbol Nurlanuly (100 kg) altyn tuǵyrdan kórinse, Danııar Kúnkibaev (68 kg) pen Eskerhan Oskanov (100 kg) kúmis, Aıbek Qazaqbaev (62 kg), Rahmet Sápıev (82 kg) jáne Nursultan Qojageldiuly (+100 kg) jahandyq dodanyń qola júldesine ıe boldy.
