Bıylǵy Prezıdent kýboginde el namysyn erler arasynda Mıhaıl Kýkýshkın, Dmıtrıı Popko, Denıs Evseev, Grıgorıı Lomakın, Maksım Batıýtenkolar qorǵasa, áıelder arasynda Gózal Aınıtdınova, Jibek Qulambaeva, Arýjan Saǵyndyqova, Sandýǵash Kenjebaeva jáne basqalar óner kórsetedi. 2007 jyldan bastap halyqaralyq mártebege ıe bolǵan Prezıdent kýbogi jarysynda qazirgi kezde álemdegi úzdik tennısshilerdiń qataryna kiretin Danııl Medvedev (ATP №3), Andreı Rýblev (7), Karen Hachanov (11), Sebastıan Korda (28), Roman Safıýllın (43), Mıomır Kesmanovıch (44), Maks Persell (71) jáne taǵy basqa da sportshylar óner kórsetken.
Prezıdent kýbogi jarysynda ár jyldary Mıhaıl Kýkýshkın men Andreı Golýbev, Germanııa quramasynyń qazirgi kapıtany Raıner Shýttler, Aýstralııa ashyq chempıonaty men Rolan Garrostyń jeńimpazy horvatııalyq Ivan Dodıg, juptyq synda «Úlken dýlyǵa» týrnıriniń eki dúrkin chempıony qytaılyq Chjan Shýaı sekildi tennısshiler úzdik shyqqan-dy.
