Ol ekinshi ret mıdyń ólimine ákep soqtyrǵan ıshemııalyq ınsýltqa shaldyqqan. Donor Almatydaǵy №4 aýrýhanada qaıtys bolǵan.
«Týystary aǵzasyn alýǵa 13 shildede kelisim berip, marqumnyń júregi 23 jasar jigittiń ómirin saqtap qaldy. Buǵan deıin eki ret ota jasalynǵan jas jigitke jalǵyz jol - júrek aýystyrý edi. Endi operasııadan soń pasıenttiń sapaly jáne uzaq ómir súrýine múmkindigi bar», deıdi kardıohırýrgııa bólimshesiniń meńgerýshisi Rústem Tóleýtaev.
Júrek transplantasııasy jasalǵan ota Ulttyq ǵylymı kardıohırýrgııalyq ortalyqpen birlesip, elimizdiń jetekshi kardıohırýrgy Iýrıı Pıanyń tikeleı basshylyǵymen jasalǵan.
«Alǵash ret Almatyda júrekti almastyrý otasy Ulttyq ǵylymı kardıohırýrgııalyq ortalyq mamandarynyń qoldaýy men Kardıologııa jáne ishki aýrýlar ǴZI komandasynyń úılesimdi jumysynyń arqasynda múmkin boldy», dedi ol.
Qazaq ulttyq medısına ýnıversıtetiniń rektory Marat Shoranovtyń aıtýynsha, qaıtys bolǵan áıeldiń júreginen basqa baýyry men eki búıregi de alynyp, kezekte turǵan naýqastarǵa transplantasııa jasalǵan, ıaǵnı, marqum áıel tórt adamnyń ómirin aman alyp qaldy.
