Áıgili velojarystyń 16-kezeńinde sportshylar jekeleı synda baq synady. Sena ózeniniń oń jaǵalaýynda ornalasqan Passı men Komblý qalalaryn jalǵaǵan 22,4 shaqyrym joldy «Jumbo-Visma» komandasynyń danııalyq ókili Ionas Vıngegor birinshi baǵyndyryp, jalpy eseptegi jaǵdaıyn jaqsartyp aldy.
Altynshy kezeńnen bastap Vıngegordy ókshelep kele jatqan slovenııalyq Tadeı Pogachar («UAE Team Emirates») márege ekinshi bolyp jetkenimen, kóshbasshydan 1 mınýt 38 sekýndqa qalyp qoıdy. Endi jalpy esepte eki sportshynyń arasyn 1 mınýt 48 sekýnd bólip tur. Bul kezeńde belgııalyq Vaýt van Art («Jumbo-Visma») úzdik úshtikten kórindi.
О́kinishke qaraı, «Astana» ókilderi áli de úzdikter qatarynan kórine alar emes. 16-kezeńde otandasymyz Alekseı Lýsenko nebári 16-orynnan kórindi.
