Premer-mınıstrdiń birinshi orynbasary Roman Sklıar, Astana ákimi Jeńis Qasymbek, Aqmola oblysynyń ákimi Ermek Marjyqpaev qalanyń shekara mańyndaǵy aýmaǵyn áýeden aralap shyqty. Mańaıdy ushyp aralaý barysynda Maıbalyq kóliniń, Preobrajenskıı sý torabynyń jáne t.b. kólemi naqtylandy.
Jańa aýyz sý stansııasynyń (SSS-3) paıdalanýǵa berilýin jáne sý tutyný kóleminiń ulǵaıýyn eskere otyryp, qalaǵa sý burý kólemi ulǵaıdy. Tazartý qurylysynyń qýaty (KTQ 1) jetkiliksiz, sondyqtan osy jyldyń kúzinde ekinshi káriz tazartý qurylysy (KTS 2) bastalady. Bul ǵımarattyń qýaty táýligine 200 myń m3 quraıdy.
Sondaı-aq aralaý barysynda «Astana-Zelenstroı» JShS tálimbaǵyna bardy. Onyń aýdany 350 gektarǵa jýyq, onda ártúrli aǵash túrleriniń kóshetteri ósiriledi. Tálimbaq jyl saıyn 30 myń dana kóshet bere alady. 2025 jyldan bastap aǵash tuqymdarynyń 100 myń kóshetine, jabyq tamyr júıesi bar 45 myń butaǵa jáne ashyq tamyr júıesi bar 300 myń butaǵa deıin kóbeıtiledi dep josparlanyp otyr.
Sondaı-aq jyl saıyn jasyl beldeýdegi ekpeler sany artady. Mysaly, bıyl tek jasyl beldeýde 500 myńǵa jýyq jasyl jelek (aǵashtar, butalar jáne t.b.) otyrǵyzý josparlanyp otyr. Taǵy sondaı kólemi – qalanyń ózinde. Elordanyń jasyl beldeýiniń jalpy aýdany 15 myń gektardy quraıdy. 11,5 mıllıonnan astam aǵash pen 2 mıllıon buta ósedi. Qatty aǵash túrlerine basymdyq beriledi.
