Egde jastaǵy fýtbol jankúıerleri áli umyta qoımaǵan bolsa kerek, kelmeske ketken odaq tusyndaǵy «Qaırat» pen «Pahtakor» arasyndaǵy KSRO chempıonatynyń básekeleri árqashan óte shıelenisti ári qyzyqty ótetin. Match bolatyn kúni stadıonǵa aǵylǵan jankúıerlerdiń sanynda esep bolmaıtyn. Ár kezdesýde stadıonda ıne shanshar orynnyń ózin tabý muń edi. Qazir kez kelgen sport túrindegi qazaq-ózbek básekesine aıtylatyn «kimge ese jiberseń de, ózbekterden jeńilme» degen ustanym «Qaırat» pen «Pahtakor» matchtarynan bastaý alǵan desek, qatelespeıtin shyǵarmyz. О́ıtkeni ońtústiktegi kórshilerimizdiń de dál osy qaǵıdatty ustanatyny jasyryn emes.
Statıstıkalyq málimetterge kóz júgirter bolsaq, Qazaqstan men О́zbekstannyń bas komandalary KSRO chempıonaty men KSRO kýbogi jolyndaǵy resmı jarystarda ózara 60 márte kúsh synasqan eken. 26 ret «Qaırat» jeńiske jetse, 20 oıynda «Pahtakordyń» asyǵy alshysynan túsken. 14 básekede teń esep tirkelgen. Jerlesterimiz 60 oıynda «Pahtakor» qaqpasyna 81 gol soqsa, qarsylastar 70 ret nysanany dál kózdedi. 1956 jyldyń 13 qyrkúıeginde almatylyqtar tashkenttikterdiń qaqpasyna jaýapsyz tórt gol soqsa, 1984 jyldyń 29 qyrkúıeginde 6:2 esebimen oısyrata utty. О́zbekter de qarap qalǵan joq. 1957, 1973 jáne 1974 jyldary olar bizden 4:1 esebimen basym tústi. Bular – osy klýbtardyń arasynda ótken básekelerde tirkelgen eń iri esepter.
Eki komandanyń da KSRO chempıonatyndaǵy jetistikteri de shamalas bolǵan. Máselen, «Qaırat» odaq chempıonatyndaǵy eń úzdik kórsetkishine 1986 jyly qol jetkizip, birinshilikti jetinshi orynmen qorytyndylady. Al Tashkenttiń «Pahtakory» 1962 jáne 1982 jyldary KSRO chempıonatynda altynshy oryndy ıelengen-di.
«Qaırat» pen «Pahtakor» eń keıingi resmı kezdesýlerin 1990 jyldyń 15 mamyrynda KSRO chempıonatynyń birinshi lıga oıyndarynyń aıasynda ótkizgen. Almatynyń Ortalyq stadıonynda uıymdastyrylǵan sol kezdegi básekede Igor Shkvırın soqqan jalǵyz goly «Pahtakorǵa» jeńis syılaǵan edi – 0:1. Sóıtip, toqsanynshy jyldardyń basynda KSRO ydyrap, ár memleket táýelsizdik alǵannan keıin atalǵan komandalardyń joldary ekige aıyryldy. Degenmen egemendik alǵannan keıin eki komandanyń joly tek bir márte ǵana jasyl alańda qıysty. 2003 jyly qazaq fýtbolynyń 90 jyldyǵy aıasynda «Qaırat» pen «Pahtakor» klýbtary Almatyda joldastyq kezdesý ótkizip, jerlesterimiz óz jankúıerleriniń aldynda 2:1 esebimen jeńiske jetti.
Almatyda ótken keshegi joldastyq matchqa toqtalar bolsaq, eki klýb ta alańǵa óz ishki chempıonattarynda dop teýip júrgen negizgi fýtbolshylaryn shyǵardy. Iаǵnı oıyn joldastyq match dep atalǵanymen, ekeýi de jasyl alańda jeńis úshin baryn saldy deýge bolady. Bul kezdesýde «Qaırat» sapynan úsh legıoner birinshi mınýttan bastap oınasa, «Pahtakor» quramynda eki ǵana legıoner boldy.
Matchtyń birinshi taımynda da, ekinshi bóliginde de oıyn teń dárejede ótti. Tek básekeniń aıaqtalar tusynda «Qaırat» qorǵaýshysynyń qateligin tıimdi paıdalanǵan «Pahtakordyń» polshalyq shabýylshysy Pshemyslav Banashak gol soǵyp, komandasyna jeńis syılady – 0:1.
