Týrıstik jarna túsimi boıynsha kósh basynda turǵan Almaty qalasyna jalpy somanyń 86 paıyzy nemese 270,6 mıllıon teńge tıesili. Ekinshi orynda turǵan Astana qalasy 37,7 mıllıon teńgeden artyq týrıstik jarna jınaǵan.
Týrıstik jarna tóleý (nemese Bed tax) álemdik tájirıbe bolǵandyqtan, sheteldikterge jańalyq emes. Týrıstik jarna - hostel, jalǵa beriletin baspanalardan bólek ornalasý oryndarynda bolǵan árbir táýlik úshin týrısterden alynatyn tólem. Týrıstik jarna mólsherin jergilikti ákimdikter belgilep, qarajat ta jergilikti atqarýshy organdardyń bıýdjetine túsedi.
«Týrıstik jarnadan túsken qarajat týrıstik ınfraqurylymdy damytýǵa, aýmaqtardy abattandyrýǵa, týrıstik múmkindikterdi ilgeriletý boıynsha is-sharalardy iske asyrýǵa baǵyttalýy kerek. Bul óńirlerge keletin týrısterdiń sanyn arttyrýǵa yntalandyratyn bolady», dedi QR MSM Týrızm ındýstrııasy komıtetiniń tóraǵasy Dastan Ryspekov.
