Ekibastuzda «Samuryq-Energo» AQ elektr energetıkalyq holdınginiń qurylymyna «Bogatyr Kómir» JShS kómir kesigi, sondaı-aq Ekibastuz MAES-1 jáne MAES-2 kiredi. Búginde olardyń barlyǵy kúzgi-qysqy jylytý maýsymyna daıyndyq boıynsha josparly jumys júrgizýde jáne elimizdiń energetıkasy úshin asa mańyzdy ınvestısııalyq jobalardy iske asyryp jatyr.
Sapar Qazaqstandaǵy ashyq tásilmen kómir óndiretin iri kompanııa - Bogatyr Kómir JShS-nyń «Bogatyr» kómir kesiginen bastaldy. Kásiporynda 6 550 adam jumys isteıdi. «Bogatyr Kómir» JShS-nyń óndiristik qýaty jylyna 42 mln tonna kómirdi quraıdy, onyń ishinde «Bogatyr» kesigi boıynsha - 32 mıllıon tonna, «Severnyı» kesigi boıynsha - 10 mıllıon tonna. «Bogatyr Kómir» JShS – nyń úlesi - 2022 jyldyń qorytyndysy boıynsha, Qazaqstanda óndiriletin barlyq kómir kóleminiń shamamen 40%-y (42,5 mln tonna). Jyl saıyn energetıkalyq kómir QR men RF-nyń energııa óndirýshi uıymdaryna jóneltiledi.
«Bogatyr» kesiginde Nurlan Jaqypov kómir berýdiń sıkldyq-aǵyndyq tehnologııasyn engizý jónindegi jobanyń iske asyrylý barysymen tanysty. SAT jobasy óziniń jobalyq qýatyna kezeń-kezeńimen shyǵa otyryp, osy jyldyń tamyz aıynda tolyq aıaqtalady. Bul joba tutynýshylarǵa otyn jetkizýdi arttyrýǵa múmkindik beredi.
Kelesi aralaý nysany «Bolat Nurjanov atyndaǵy Ekibastuz MAES-1» JShS elektr stansııasy boldy. Belgilengen qýaty 4000 MVt jáne qolda bar qýaty 3500 MVt EMAES-1 Qazaqstan energetıkasynyń flagmany bolyp tabylady. EMAES-1-diń elektr energııasyn óndirý kólemi 2022 jyldyń qorytyndysy boıynsha 23 mlrd kVtsaǵ qurady, bul stansııa tarıhyndaǵy rekordtyq kórsetkish bolyp tabylady. Aǵymdaǵy jyldyń 6 aıynda stansııa 11,2 mlrd kVtsaǵ óndirdi, bul ótken jyldyń sáıkes kezeńimen salystyrǵanda 3%-ǵa artyq.
Qor basshysy № 1 energııa blogynyń bloktyq basqarý qalqanyn qarap, ony qalpyna keltirý jumystarynyń barysymen tanysty. Osy jyldyń sońynda №1 energııa blogy paıdalanýǵa berilgennen keıin stansııanyń belgilengen qýaty 4000 MVt quraıdy. Jobanyń maqsaty - stansııanyń qolda bar qýatyn jobalyq qýatqa deıin ulǵaıtý, suranysty qanaǵattandyrý jáne Qazaqstan Respýblıkasynda elektr energııasynyń tapshylyǵyn tómendetý. Energııa blogyn qalpyna keltirý kezeńinde 500-700 adamǵa arnalǵan jańa jumys oryndary quryldy, paıdalaný kezeńinde 54 adam tartylatyn bolady. Sondaı-aq zamanaýı elektr súzgilerin ornatý esebinen ekologııalyq normatıvterdiń oryndalýy qamtamasyz etiledi. «№1 energııa blogyn qalpyna keltirý» jobasyn belgilengen merzimde aıaqtaý josparlanyp otyr.
Qazirgi ýaqytta stansııada №3 energııa blogyna kúrdeli jóndeý júrgizilip jatyr. Kómir jetkizýge uzaq merzimdi sharttar jasaldy. Jóndeý jumystary josparly túrde júrgizilýde, olardyń tártibi «KEGOS» AQ júıelik operatorynyń ulttyq dıspetcherlik ortalyǵymen kelisildi. 2023-2024 jj. KQK-ge qaraı qoımalarǵa jospar boıynsha kómir jınaqtalyp jatyr.
«Samuryq-Qazyna» AQ Basqarma Tóraǵasynyń jumys sapary «Ekibastuz MAES-2 stansııasy» AQ-ǵa barýmen aıaqtaldy.
Onyń belgilengen elektr qýaty 1000 MVt quraıdy. Stansııa jyl saıyn shamamen 6,0 mlrd kVtsaǵ elektr energııasyn óndiredi, sondaı-aq jaqyn mańdaǵy Solnechnyı kentin jylý energııasymen qamtamasyz etedi. Osy jyldyń 6 aıynda stansııa 3,0 mlrd kVtsaǵ elektr energııasyn óndirdi, bul ótken jyldyń sáıkes kezeńinen 5% - ǵa artyq.
Stansııadaǵy 2023 j. jóndeý naýqany belgilengen merzimde ótkiziledi, № 2 energııa blogy 2 mamyrdan 26 shildege deıingi merzimdi qosa alǵanda kúrdeli jóndeýde, ol aıaqtalǵannan keıin №1 energııa blogyn aǵymdaǵy jóndeýge shyǵarý josparlanýda. Stansııa qoımalarynda qajetti otyn qorlary (kómir, mazýt) jınaqtalǵan, jetkizý ýaqtyly júzege asyrylady.
MAES-2-ge barý barysynda «Samuryq-Qazyna» qorynyń basshysy stansııada №3 jáne №4 energııa bloktaryn salý jobalaryn iske asyrý boıynsha jumystarmen tanysty. №3 energobloktyń qýaty 636 MVt quraıdy dep boljanýda, josparlanyp otyrǵan óndirý - jylyna 4,8 mlrd.kVtsaǵ. Energııa blogyn paıdalanýǵa berý QR-daǵy elektr energııasynyń tapshylyǵyn eń tómengi deńgeıge deıin tómendetýge múmkindik beredi.
