Sportty damytý dıreksııasynyń málimeti boıynsha Mılan qalasynda alaýy tutanǵan álem chempıonatynda ulttyq qurama kóshbasshysy Rýslan Qurbanov el sportshylary arasynda tuńǵysh ret jarystyń fınaldyq kezeńine joldama aldy. Semserlesý sporty boıynsha álem chempıonattary tarıhynda buǵan deıin birde-bir sportshymyz bul mejeden kórine almaǵan bolatyn.
Degenmen jerlesimiz jartylaı fınalda majarstandyq Mate Kohke jol berip, qola júldeni qanaǵat tutýǵa májbúr boldy. Asa tartysty ótken kezdesýde Qurbanov 10:15 esebimen jeńilip qaldy. Sóıtip, el qorjynyna semserlesý sportynan álem chempıonatyndaǵy alǵashqy qola júldeni saldy. Aıta keteıik, otandasymyz jarystyń 1/16 aınalymda fransııalyq Iаnnık Boreldi (15-14), danııalyq Konrad Seıbek Kongstadti (14-13) jeńgen. Oǵan deıin aýstrııalyq Djozef Marıngerden basym túsip, úzdik 32 sportshynyń qataryna qosylǵan-dy.
Byltyr Mysyr astanasy Kaırde ótken álem chempıonatynda Rýslan Qurbanov pen Elmır Álimjanov shırek fınalǵa deıin jetken edi.
