Stýdentter saıysynyń ekinshi kúninde tórt sport túrinen alǵashqy júldeler sarapqa salyndy. Dzıýdo sporty boıynsha ótken básekelerde tatamıge shyqqan 66 kg salmaqtaǵy otandasymyz Suńǵat Jubatqan qola júldeger atandy. Úshinshi oryn úshin bolǵan kezdesýde ol ózbekstandyq Abdýrahım Nýtfýlloevtan aılasyn asyrdy. Bul salmaqta Suńǵatty jartylaı fınalda alyp jyqqan japonııalyq Hattorı Shınseı top jardy.
Ál-Farabı atyndaǵy QazUÝ stýdenti Suńǵat Jubatqan maýsym aıynda Dýshanbede ótken Gran-prı týrnırinde qola júldeger atanyp, Astanada tuńǵysh ret uıymdastyrylǵan «Grand Slam» týrnırine qatysqan. Sondaı-aq ol 2015 jyly kadetter (18 jasqa deıingi) arasynda Azııa chempıony atanǵan.
Aıta keteıik, Ýnıversıadada 18 sport túrinen 269 medal sarapqa salynyp jatyr. Bul jarysqa sadaq atý, gımnastıka, jeńil atletıka, semserlesý, dzıýdo, júzý, ústel tennısi, taekvondo, ýshý sııaqty 11 sport túrinen 93 sportshydan turatyn Qazaqstannyń sporttyq stýdenttik quramasy qatysyp jatyr.
