Jarystyń kezekti kúninde elimizdiń stýdent sportshylary taǵy tórt medal jeńip aldy. Atap aıtar bolsaq, úsh pozısııadan 50 metrge myltyqpen oq atýda quramynda Konstantın Malınovskıı, Islam Sátbaev jáne Nıkıta Shahtorın bar elimizdiń ulttyq quramasy men jýyrda ǵana oq atý sportynan Ońtústik Koreıada máresine jetken jasóspirimder arasyndaǵy álem chempıonatynda top jarǵan Nıkıta Chırıýkın Ýnıversıadanyń kúmis júldegeri atandy.
Sondaı-aq on metrden myltyqtan oq atý boıynsha komandalyq saıysta Konstantın Malınovskıı, Islam Sátbaev jáne Nıkıta Shahtorın Úndistan men Qytaı ókilderine jol berip, úshinshi nátıje kórsetti. Dzıýdo básekesinde beldesken Asqar Narqulov ta úzdikter qatarynan kórinip, el qorjynyna kezekti qola júldeni saldy. 73 kılo salmaqta beldesken jerlesimiz úshinshi oryn úshin ótken beldesýde Qyrǵyzstan ókili Shyńǵysjan Saǵynalıevten basym tústi.
Ekinshi jarys kúniniń qorytyndysy boıynsha, jerlesterimizdiń enshisinde 5 júlde (2 kúmis, 3 qola) bar.
