Oqýshylar qazaq tilinde jumys isteıtin «Qazaq Braille» apparatyn 1 jyl ishinde qurastyrǵan.
Jas ónertapqyshtardyń aıtýynsha kózi kórmeıtinder áýeli bederli pernetaqtany basý arqyly braıl qaripin úırenedi, sodan keıin dybystalynǵan áripti estıdi de, prınter arqyly jazbany qaǵazǵa túsiredi.
Aıtalyq, Braıl prınterlerdiń naryqtaǵy baǵasy 4-5 mıllıon teńgeni quraıdy, al áýlıeatalyq oqýshylar qazaqsha pernetaqtaǵa 17 myń teńge ǵana jumsaǵan.
Jas ǵalymdardyń eń basty maqsaty - qazaq álipbıin damytý. Eskeretin jaıt, naryqta bundaı prınterler joqtyń qasy.
Oblystyq kózi kórmeıtin jáne álsiz kóretin azamattar kitaphanasynyń mamany Erbol Begimov qazaq tildi áriptiń barlyǵy dybystalyp anyq estiletin-áleýmettik mańyzdy qurylǵyny oılap tapqan oqýshylarǵa alǵys aıtyp, rızashylyǵyn bildirdi.
