Shilde aıynyń qorytyndysy boıynsha, buǵan deıingi WBA uıymynyń reıtınginde 9-satyda turǵan ekinshi orta salmaqtaǵy otandasymyz Bek Nurmaǵanbet (9-0, 7 KO) bir saty tómendep, 10-orynǵa syrǵydy. 25 jastaǵy jerlesimiz eń keıingi jekpe-jegin osy jyldyń mamyr aıynda ótkizip, Venesýela ókili Arhenıs Espanany (15-1, 14 KO) ekinshi raýndta nokaýtpen jeńgen bolatyn.
Al ekinshi jartylaı jeńil salmaqta judyryqtasatyn Sultan Zaýyrbek reıtıngtegi jaǵdaıyn jaqsartyp aldy. О́tken aıda jerlesimiz 10-orynda turǵan bolsa, bul joly ol birden úsh saty joǵarylap, 7-orynǵa kóterildi. S.Zaýyrbek osydan birer apta buryn Anglııada ıspanııalyq Djon Kartermen judyryqtasyp, qarsylasyn úshinshi raýndta tize búktirgen-di.
