Elordanyń máslıhat tóraǵasy Erlan Kanalımov ótken jyly atalǵan aksııa aıasynda kásiporyn basshylary, kásipkerler, depýtattar, qoǵam belsendileri qatysqanyn aıtty.
«О́tken jyly osy aksııa boıynsha 8000-nan astam bala qamtyldy, bıyl bul kórsetkishti 8500 oqýshyǵa jetkizýdi josparlap otyrmyz. О́tken jyly jınalǵan soma 546 mln teńgeni qurady, bıyl bul soma birneshe ese kóp bolady dep kútilip otyr. Budan basqa, jalpyǵa birdeı oqytý aıasynda áleýmettik az qamtylǵan otbasylardan shyqqan balalarǵa mektepke qajetti zattar alý úshin qosymsha tólemder beriledi.
О́tken jyly bul soma 40 000 teńgeni qurap, 13 500 balaǵa tapsyryldy. Al bıyl bul soma 41 000 teńgeni jáne 14 500 balany quraıdy.
Balalardy mektepke daıyndaý úshin memleket barlyǵy 590 mln teńge bóldi.
Elorda kásipkerlerin, iri kásiporyndardyń basshylaryn jáne depýtattardy osy is-sharaǵa beı-jaı qaramaýǵa jáne qatysýǵa shaqyramyn», dedi qalalyq máslıhat tóraǵasy.
Aksııaǵa Baıqońyr aýdany ákiminiń orynbasary Shuǵyla Qudaıbergen de qatysty.
«Bizdiń aýdanda jáshikter úsh orynǵa qoıyldy. Olar «Aımaqtaý», «Jannur», «Tulpar» saýda ortalyqtarynyń janynda ornalasqan. Bul qoraptarǵa qala turǵyndary qalam, dápter sekildi kez kelgen oqý quralyn salyp kete alady. О́tken jyly belsendi azamattar mektep kıimderin jáne oqýǵa qajetti nárseniń bárin ákeldi. Búgin qalalyq máslıhat tóraǵasy Erlan Kanalımov pen aýdan ákimi Erlan Jaýlybaev bastaǵan qalalyq máslıhat depýtattary aksııany bastady. Ár kesh saıyn bokstardy ashyp, ishinde jınalǵan zattardy áleýmettik qyzmetkerler men mektepter arqyly aýdanymyzdaǵy 1000-nan astam áleýmettik osal otbasylardyń balaǵa beremiz», dedi ákimniń orynbasary.
