Memlekettik-jekemenshik áriptestik sheńberinde aýrýhananyń jobalyq quny 144 mlrd teńgeni qurady. Dese de, jobalaý-smetalyq qujattamany áli de túzetý qajet. Jyl sońyna deıin memlekettik saraptama júrgizý josparlanyp otyr. Búgingi tańda jumystyń jartysy oryndaldy.
Sondaı-aq mınıstr Qyzyljar aýdanynyń Chapaevo aýylynda iri qara ósirýmen jáne sút óndirýmen aınalysatyn «Qyzyljar Sút» JShS jumysymen de tanysty. О́tken jyly bul fermaǵa 366 mln teńgege sýbsıdııa bólindi. Ferma 60 jergilikti turǵyndy turaqty jumyspen qamtamasyz etedi.
Sút-taýar kesheni 1 410 bas iri qaraǵa eseptelgen, qýaty - jylyna 6 myń tonna daıyn ónim. Al jobanyń jalpy quny 3,7 mlrd teńgeni quraıdy.
Sonymen qatar mınıstr Aqqaıyń aýdany Aralaǵash aýylynda qýattylyǵy jylyna 10 myń tonna qus etin óndiretin «Soltústik broıler» qus fabrıkasyn aralady. О́ńir úshin mańyzdy jobaǵa 7,4 mlrd teńge ınvestısııa quıyldy. Aıta ketsek, bul kásiporyn eń zamanaýı jabdyqtarmen jabdyqtalǵan jáne tolyqtaı avtomattandyrylǵan. Bul aýyldyq okrýgtegi 170-ke jýyq adamdy, negizinen jergilikti turǵyndardy jumyspen qamtamasyz etetin alǵashqy iri ınvestısııalyq joba.
Jumys saparynyń sońynda Álibek Qýantyrov Aralaǵash aýylynyń turǵyndarymen kezdesti. Ol mınıstrlik baǵdarlamalary aıasynda aýyldyq eldi mekenderge qandaı qoldaý kórsetiletinin aıtty. Onyń aıtýynsha, iri óndiristik kásiporyndardyń ashylýy óńirdiń damýyna jańa serpin bermek.
