Ákim orynbasarynyń aıtýynsha, megapolıste jol júrý quny 11 jyldan astam ýaqyt boıy ózgermegen.
«Qazirgi tarıf tasymaldaýshylardyń shyǵyndaryn ótemeıdi, óıtkeni jol júrýdiń naqty quny bekitilgennen 3 ese qymbat. Osyǵan baılanysty ákimdik aı saıyn tasymaldaýshylardyń shyǵystaryn sýbsıdııalar túrinde jaýyp otyrady. 2020-2022 jyldar kezeńinde tólengen sýbsıdııalar somasy 115,8 mlrd teńgeni qurady», dep túsindirdi Asqar Ámrın.
Resmı aqparatqa zer salsaq, ótken onjyldyqta kólikte jol júrý baǵasy respýblıka boıynsha basqa qalalarda birneshe ret ózgerdi. Máselen, qazir bir aılyq abonementtiń quny О́skemende - 9 000 teńgeden joǵary, Qaraǵandyda – 6 000 teńgeden tómen, Almatyda – 7 500 teńge.
«Qolma-qol aqshasyz tólemmen 100 teńge jáne qolma-qol tólemmen 200 teńge mólsherinde jańa tarıfterdi qoldaný bıylǵy jyly sýbsıdııalar somasyn shamamen 10 mlrd teńgege tómendetýge múmkindik beredi. Olardy basqa da áleýmettik mańyzy bar jobalarǵa qaıta bólýge bolady», dep túsindedi Asqar Ámrın.
