«Qazgıdromet» RMK málimetinshe, elimizdiń basym bóliginde turaqsyz aýa raıy kútiledi, jańbyr jaýady. Qazaqstannyń soltústiginde, shyǵysynda, ortalyǵynda naızaǵaı oınap, burshaq túsedi, daýylmen qatty jańbyr jaýady.
Elimizdiń batysynda, ońtústik-batysynda, soltústik-shyǵysynda jaýyn-shashynsyz aýa raıy kútiledi.
Respýblıkamyzdyń basym bóliginde sınoptıkter ekpindi jel turatynyn boljaıdy.
Kúndiz Almaty, Atyraý, Mańǵystaý, Batys Qazaqstan oblystarynyń ońtústik-batysynda aptap ystyq bolady dep kútiledi: +35...+42°S .
Astanada kún qubylmaly, aspandy bult basyp, kúndiz jańbyr jaýady, naızaǵaı oınaıdy dep boljanady. Shyǵystan, soltústik-shyǵystan soqqan jeldiń ekpini 5-10 m/s, kúndiz naızaǵaı kezindegi ekpini - 15 m/s. Aýa temperatýrasy túnde: + 17...+ 19°S, kúndiz: +27...+ 29°S.
Almatyda aspan bultty, kún raıy jaýyn-shashynsyz. Aýa temperatýrasy túnde: +19...+21°S, kúndiz: +32...+34°S.
Shymkentte kún qubylmaly, aspan bultty, biraq jaýyn-shashynsyz. Ońtústik-batystan, batystan soqqan jeldiń ekpini - 8-13 m/s. Aýa temperatýrasy túnde: +21...+23°S, kúndiz: +34...+36°S.
