Qoǵam • 10 Tamyz, 2023

Kárim Másimovtyń inisi 10 jylǵa sottaldy

223 ret

kórsetildi

1 mın

oqý úshin

Pavlodar qalasynyń qylmystyq ister jónindegi mamandandyrylǵan aýdanaralyq sotynda Pavlodar oblysy polısııa departamentiniń burynǵy bastyǵy Nurlan Másimovke qatysty úkim shyǵaryldy, dep habarlaıdy Egemen.kz.

Botakóz BAQBERGEN

Kárim Másimovtyń inisi 10 jylǵa sottaldy

«Másimov Nurlan Myrzahanuly Qazaqstan Respýblıkasy Qylmystyq kodeksiniń 366-babynyń 4-bóligi (asa iri kólemde para alý), 189-babynyń 4-bóliginiń 2-tarmaǵy (senip tapsyrylǵan bóten múlikti ıemdenip alý nemese talan-tarajǵa salý), 392-babynyń 1-bóligi (memlekettik shekarany zańsyz kesip ótý) boıynsha kináli dep tanyldy», dedi sýdıa Nurlan Qaıyrbekov.

Aıta ketsek, joǵary atalǵan baptardyń árqaısysy boıynsha bas bostandyǵynan aıyrý jazasy qarastyrylǵan.

Osylaısha úkimderdi ishinara qosý arqyly Nurlan Másimov 10 jylǵa sottaldy. Ol óz jazasyn qaýipsizdigi ortasha kolonııada óteıdi.

Oǵan qosa Almaty oblysy Alakól aýdany Aqshı aýylyndaǵy aǵash úı men monsha túrindegi múlkin jáne sottalýshy otbasymen turǵan Almaty qalasyndaǵy úıdi jóndeýge jumsalǵan 16 mıllıon teńgeni tárkileý jóninde sheshim qabyldandy.

Ol sondaı-aq Qazaqstan Respýblıkasy Qylmystyq kodeksiniń 49-babyna sáıkes polısııa general-maıory arnaýly ataǵynan jáne Memlekettik nagrada – II dárejeli «Aıbyn» ordeninen de aıyrylady.

Aıta ketetini, Nurlan Másimov joǵaryda kórsetilgen baptar boıynsha qylmys jasaǵanyn moıyndaýdan bas tartty. Ol shekaradan zańsyz ótken kinásin ǵana moıyndap, aıyptaýshy tarap isti onyń «tegine baılanysty» qozǵaǵanyn alǵa tartty.