Qalany damytýdyń keshendi jospary

Jospar Memleket basshysy­nyń tapsyrmalaryn iske asyrý maqsatynda ázirlendi jáne áleý­mettik qamsyzdandyrýdyń negizgi máselelerin sheshýge, sondaı-aq halyqtyń ómir súrý sapasyn arttyrýǵa baǵyttalǵan.

Qujatta densaýlyq saqtaý, bilim berý, sport nysandarynyń qury­lysy, ınjenerlik ınfraqu­ry­lymdy qaıta jańǵyrtý, eko­no­mıkanyń naqty sektoryn, óner­kásipti, AО́K, shaǵyn jáne orta bıznesti damytý, halyqty jumys­pen qamtý, t.b. bo­ıynsha 83 shara kórsetilgen.

2027 jylǵa deıin jospardy iske asyrýǵa shamamen 107 mlrd teńge bólý josparlanǵan, onyń ishinde 62 mlrd teńgeden astamy jeke ınvestısııalar esebinen bolmaq. Shyǵyndardyń basym bóligine (58,3 mlrd teńge) tirshilikti qamtamasyz etetin ınfraqurylymdy damytý jáne tozýyn azaıtý (23 joba) qaras­tyrylǵan. Atap aıtqanda, jeke ınvestısııalar esebinen jylý elektr ortalyǵyn kúrdeli jóndeýden ótkizý josparlanǵan.

Josparǵa sáıkes, 2027 jylǵa qaraı qalada ónerkásiptik óndiris kólemi 550 mlrd teńge deńgeıinde qamtamasyz etilse, óńdeýshi sektor ónimi keminde 70% bolmaq. Jalpy, aýyl sharýashylyǵy óniminiń kólemi 10%-ǵa artady.

Qujatta jumyspen qamtý máse­lesi, ásirese jastardy ju­mys­pen qamtýǵa jáne kásip­oryn­­dardaǵy kadr tapshylyǵy máselesin sheshýge erekshe kóńil bólingen. Densaýlyq saqtaý salasynda medısınalyq kolledj ashý arqyly kadrlyq áleýetti arttyrý josparlanǵan. Sondaı-aq kórsetiletin medısınalyq qyzmettiń jaqsarýyna ortalyq qalalyq aýrýhanany kúrdeli jóndeýden ótkizý jáne tehnıkalyq jabdyqtaý áser etpek.

Sonymen qatar ekologııalyq prob­­lemalardy sheshý sharalary jos­parlanǵan. Atap aıtqanda, atmos­feraǵa lastaýshy zattardyń shyǵa­ryndylaryn azaıtý (9,8 myń tonnaǵa deıin), ónerkásiptik kásip­oryn­dardyń qorshaǵan ortany qorǵaý boıynsha mindettemelerin oryn­daýda jaýapkershiligin arttyrý sha­ralary bar. Al jaqsy jáne qana­ǵat­tanarlyq jaǵdaıdaǵy joldar úl­esin belgilengen merzimge deıin 74%-dan 90%-ǵa arttyrý josparlanǵan.

Stepnogor qalasy men oǵan irgeles aımaqtardyń aýmaǵy – 290 myń gektardan asady, halyq sany – 68,5 myń adam. Qala ákimshiligine bir aýyldyq okrýg jáne 9 eldi meken – 4 kent, 5 aýyl kiredi. О́nerkásip salasy – qala ekonomıkasynyń draıveri. Aqmola oblysynyń ónerkásip óndirisindegi Stepnogor qalasynyń úlesi – 25,3%.