Ekologııa jáne tabıǵı resýrstar mınıstrligi ázirlegen qujat «Ashyq NQA» portalynda jarııalandy.
Ol Orman kodeksiniń 70-babynyń 1-tarmaǵyna jáne Prezıdent Qasym-Jomart Toqaevtyń Abaı oblysyndaǵy tabıǵı órtti joıý boıynsha 2023 jylǵy 11 maýsymdaǵy Jedel shtab otyrysynda bergen tapsyrmasyna sáıkes ázirlengen.
«Aqshalaı tólem qyzmettik mindetterin (memlekettik orman kúzetý mindetterin) atqarý kezinde mertigýi (jaraqattanýy, jaralanýy, kontýzııa alýy) saldarynan qaza tapqan (qaıtys bolǵan) qyzmetkerdiń otbasy múshelerine júrgiziledi. Qujatqa sáıkes qyzmetkerdiń, kýrsanttyń, memlekettik orman kúzetý qyzmetshisiniń otbasy múshelerine jubaıy, sondaı-aq kámeletke tolǵanǵa deıin nemese jalpy orta, tehnıkalyq jáne kásiptik, orta bilimnen keıingi bilim berý júıesinde, joǵary jáne joǵary oqý ornynan keıingi bilim berý júıesinde kúndizgi oqý ornyn bitirgenge deıin jıyrma úsh jastan aspaıtyn balalary, onyń ishinde asyrap alǵan balalary, birge turatyn ógeı uldary men ógeı qyzdary jatady», delingen jobalyq qujatta.
