Qyzylsha juqtyrǵandardyń deni – 14 jasqa deıingi balalar. Paıyzǵa shaqsaq, 87,6%-y – balalar. Onyń ishinde 7 aýrý juqtyrý jaǵdaıy alynyp tastaldy, 13 jaǵdaı əli zerttelip jatyr. Joǵaryda atap ótkenimizdeı, naýqastardyń 88,6%-y – qyzylshaǵa qarsy ekpe saldyrmaǵandar.
Bul ınfeksııanyń kóbi shetelden kelgen, sonymen birge basqa óńirlerge saparlap barǵan balalardyń arasynda anyqtalyp otyr.
– Infeksııa shetelderden, sondaı-aq Astana, Almaty, Shymkent, Pavlodar sııaqty qalalarǵa baryp kelgen balalardan anyqtalyp otyr. 24,7%-y otbasyndaǵy baılanys arqyly juqqan. Jaǵdaıdyń barlyǵy anyqtalyp, baılanysta bolǵan 2 701 adam medısınalyq baqylaýǵa alyndy. Epıdemıologııalyq kórsetkishter boıynsha buryn ekpe saldyrmaǵan 120 adamǵa ekpe salyndy, – deıdi G.Jaqtaıqyzy.
Qyzylsha – ózderińiz biletindeı jyldam juǵatyn aýrý. Joǵary temperatýra, ıntoksıkasııa, jótel, murynnan sý aǵý, fotofobııa, konıýnktıvıt, teride jəne aýyz qýysynyń shyryshty qabattarynda usaq núkteli bórtpe túrinde kórinis beredi.
– Qyzylsha vırýsy jótelý, túshkirý kezinde aýa arqyly juǵady. Qyzylshamen, ədette, ekpe almenıngıt, panensefalıt syndy asqynýlarǵa sebep bolýy múmkin, – dedi G.Baıǵutanova.
Onyń aıtýynsha, eki jastan bes jasqa deıingi balalar jıi aýyrady. Bala kezinde qyzylshamen aýyrmaǵan nemese vaksına almaǵan eresekter de aýyrady. Qyzylshamen aýyrǵan naýqaspen baılanysta bolsa, jasyna qaramastan, aýrý juqtyrady. Aýrýda otıt, pnevmonııa, ensefalıt joq. Aýrýdan qorǵanýdyń jalǵyz senimdi joly – vaksınalaý. Biraq osy vaksınalaýǵa salǵyrt qaraıtyndardyń da kóbeıip turǵany belgili.
– Ulttyq profılaktıkalyq egý kúntizbesine səıkes, qyzylshaǵa qarsy vaksınalaý eki ret júrgiziledi. Birinshisi – balanyń 12-15 aılyǵynda, ekinshisi – 6 jasta. Qyzylshaǵa qarsy vaksına qyzamyq pen parotıtke qarsy komponentpen birge qoldanylady. Osy jyldyń birinshi jartyjyldyǵynda 1 jastaǵy 7 967 bala jəne 6 jastaǵy 9 783 bala atalǵan aýrýǵa qarsy ekpe aldy, – deıdi spıker.
Qaı jaǵynan kelgende de, vaksınalaýdan bas tartý densaýlyq saqtaý salasyndaǵy ózekti məselege aınalyp otyr.
– Búgingi tańda oblysta 2 myńǵa jýyq balanyń ata-anasy túrli sebeptermen profılaktıkalyq egýden bas tartty. Vaksınamen qamtýdyń tómendeýi ujymdyq qorǵanystyń əlsireýine, juqpaly aýrýlardyń paıda bolýyna jəne taralýyna alyp keledi. Sondyqtan sanıtarlyq-epıdemıologııalyq baqylaý departamenti múddeli vedomstvolardyń, dinı, qoǵamdyq uıymdardyń qatysýymen halyqtyń jekelegen toptaryn aqparattandyrý boıynsha túsindirý jəne aqparattyq jumys júrgizdi. Sonyń nətıjesinde, bas tartqan 593 adam ekpe aldy, – deıdi ol.
Qazirgi ýaqytta əlemde, onyń ishinde shekaralas elderde qyzylshanyń tirkelýi jıiledi. Aqpannan bastap elimizde qyzylshamen syrqattaný jaǵdaıy ósip keledi.
Qasymhan ǴALYM,
«Egemen Qazaqstan»
Qaraǵandy oblysy
