Foto: gov.kz
Ǵylym jáne joǵary bilim mınıstrliginiń málimetine súıene salystyryp ketsek, ótken jyly Akademııa 338 úmitkerdi qabyldap, onyń 185-i grant ıegerleri bolsa, bıyl jalpy ýnıversıtet tilek bildirýshilerden 3000-nan astam ótinish qabyldaǵan, solaısha jalpy konkýrs bir orynǵa 4 adamdy qurady. Ushqysh mamandyǵyna irikteýdiń joǵary krıterıılerine qaramastan, konkýrs bir orynǵa 7,5 adamdy quraǵan. Bıyl tehnıkalyq mamandyqtarǵa qatysty Ǵylym jáne joǵary bilim mınıstrliginiń qoldaýy erekshe. Jalpy alǵanda, Akademııaǵa qabyldaý 14 bilim berý baǵdarlamasy boıynsha júzege asyrylǵan.
Osy jyly ýnıversıtette bilim alǵysy keletin shetel azamattarynan 26 adam 1-kýrs stýdenti atandy. Olardyń ishinde Nıgerııadan 8 adam ınjenerlik mamandyqtarǵa túsken. Sondaı-aq stýdentterdiń arasynda Túrkııa, Tájikstan, О́zbekstan, Reseı azamattary da bar.
«Bilim sapasyn arttyrý, avıasııa salasymen belsendi ózara árekettesý, naryq qajettilikterin taldaý, avıasııalyq kásiporyndardyń mamandarǵa qoıylatyn talaptaryn zerdeleý jáne oqý úderisine engizý boıynsha jumystar júrgizilip jatyr. Qazirgi ýaqytta Azamattyq avıasııa akademııasy Eýropalyq Odaqtyń EASA PART-FCL avıasııalyq qaýipsizdik agenttiginiń 2025 jyly ótýi tıis sertıfıkattaýyna daıyndyq ústinde. Sertıfıkat alý halyqaralyq deńgeıde moıyndalǵan standarttarǵa sáıkes keletin avıasııalyq bilim berý qyzmetterin eksporttaý múmkindigin ashady», dedi Azamattyq avıasııa akademııasynyń rektory B.Seıdahmetov.
