Foto: ashyq derekkóz
«Naǵyz damyǵan el bolamyz desek, saıası reformalarmen shektelip qalmaýymyz kerek. Osy jumysty túbegeıli jáne jan-jaqty áleýmettik-ekonomıkalyq reformaǵa ushtastyrý qajet. Qazir álemde geosaıası ahýal ýshyǵyp tur. Soǵan qaramastan, el ekonomıkasynyń negizgi baǵyttary boıynsha kórsetkishter ósti», dedi Memleket basshysy Qazaqstan halqyna Joldaýy barysynda.
Byltyr Qazaqstannyń ishki jalpy ónimi 104 trıllıon teńge boldy. Elimizge 28 mıllıard dollar tikeleı shetel ınvestısııasy tartyldy. Prezıdenttiń aıtýynsha, bul – rekordtyq kórsetkish.
«Syrtqy saýda-sattyq buryn bolmaǵan deńgeıge, ıaǵnı 136 mıllıard dollarǵa jetti. Onyń 84 mıllıardy – eksport. Syrtqy qorymyz 100 mıllıard dollarǵa jýyqtady», dedi Qasym-Jomart Kemeluly.
