Foto: Sputnik/Abzal Qalıev
Finprom.kz sarapshylary júrgizgen zertteýge kóz júgirtsek, 2022 jyly jynys boıynsha erler orta eseppen 355,3 myń teńge, áıelder 265,8 myń teńge alǵanyn baıqaýǵa bolady.
Aımaqtyq kontekste erlerdiń eń joǵary ortasha aılyq jalaqysy kelesi óńirlerde tirkelgen:
- Atyraý oblysy - 631,8 myń teńge;
- Mańǵystaý oblysy - 590,6 myń teńge;
- Ulytaý oblysy - 489,1 myń teńge.
Atalǵan aımaqtarda jynys boıynsha jalaqynyń eń úlken aıyrmashylyǵy da baıqaldy.
«Mańǵystaý oblysynda erlerdiń jalaqysy áıelderdikinen 2 ese, Atyraýda 85,9 paıyz, Ulytaýda 68 paıyz artyq. Jetisý óńiri - áıelderdiń paıdasyna qaraı aıyrmashylyq bolǵan jalǵyz óńir. Biraq jalaqydaǵy eń az aıyrmashylyq Jambyl, Almaty jáne Soltústik Qazaqstan oblystarynda baıqaldy», dep túsindirdi sarapshylar.
Áıelderdiń eń joǵary ortasha aılyq jalaqysy kelesi óńirlerde tirkeldi:
- Astana qalasy - 365,1 myń teńge;
- Atyraý oblysy - (339,8 myń teńge;
- Almaty - 320,1 myń teńge.
Dese de áıelderdiń ortasha aılyq jalaqysy tek bilim salasyndaǵy erlerdiń jalaqysynan asyp túsken: 4,8% (239,8 myń teńgege qarsy 251,4 myń teńge).
