– Bul – tarıhtaǵy Albanııa Prezıdentiniń Qazaqstanǵa jasaǵan alǵashqy sapary. Sizdiń resmı saparyńyz ózara yntymaqtastyqty damytý turǵysynan óte mańyzdy. Qazaqstan Sizdiń elińizben tyǵyz qarym-qatynas jasaýǵa nıetti. Biz eki taraptyń múddesine saı keletin kóptegen salada ózara tıimdi yntymaqtastyqty damytýǵa múmkindik mol dep sanaımyz. Eki aptadan soń elderimiz arasyndaǵy dıplomatııalyq qarym-qatynastyń ornaǵanyna 30 jyl tolady. Sizdiń saparyńyzdyń osy aıtýly datamen tuspa-tus kelýiniń sımvoldyq máni bar, – dedi Prezıdent.
Albanııa Prezıdenti Baıram Begaı Astanaǵa shaqyrǵany jáne qonaqjaılyq kórsetkeni úshin Qasym-Jomart Toqaevqa rızashylyǵyn bildirdi.
– Qazaqstanǵa saparmen kelgenim úshin óte qýanyshtymyn. Arnaıy shaqyrǵanyńyz úshin Sizge rızashylyǵymdy bildiremin. О́zińiz aıtqandaı, bul sapar dıplomatııalyq baılanystarymyzdyń 30 jyldyq mereıtoıymen tuspa-tus kelip otyr. Bul bizdiń saıası qarym-qatynasymyzdyń joǵary deńgeıde ekenin kórsetedi. Endi ekonomıkalyq yntymaqtastyǵymyzdy odan ári nyǵaıtý úshin jańa múmkindikter taýyp, birlese jumys isteýimiz kerek. Sizdi Albanııaǵa saparmen kelýge shaqyramyn, – dedi Baıram Begaı.
