Foto: ashyq derekkóz
Konkýrstyń ashylý saltanaty fılarmonııanyń Úlken zalynda 20-qyrkúıek kúni saǵat 10.00-de bastalady.
22 qyrkúıek kúni saǵat 19.00-de Jambyl atyndaǵy Qazaq memlekettik fılarmonııasynyń úlken zalynda konkýrs jeńimpazdarynyń qatysýymen Gala-konserttiń ótýi josparlanyp otyr.
Baıqaýdyń basty maqsaty: qazaqstandyq dırıjerlik mekteptiń dástúrlerin saqtaý jáne odan ári damytý; jańa esimderdi shyǵarý jáne tanytý, dırıjerlik óner salasynda talantty jastardyń kásibı ósýine jaǵdaı jasaý; daryndy jáne talantty mýzykanttardy anyqtaý, olardy yntalandyrý, Qazaqstannyń mádenı ımıdjin arttyrý.
Konkýrsqa mádenıet jáne óner salasyna qyzmet etýdi maqsat etken 18 ben 35 jasqa deıingi dırıjerler men joǵary oqý oryndarynyń stýdentteri qatysty. Baıqaýǵa 25 qatysýshydan ótinim kelip tústi, belgili sebeptermen konkýrsqa 20 úmitker joldama aldy: Astanadan – 4, Almaty –8, Shymkent –2, Petropavl –1, Pavlodar – 1, Oral –1, Qaraǵandy – 1 jáne Taldyqorǵan – 2. Qatysýshylar Jambyl atyndaǵy Qazaq memlekettik fılarmonııasynyń Nurǵısa Tilendıev atyndaǵy «Otyrar sazy» akademııalyq folklorly-etnografııalyq orkestriniń súıemeldeýimen mýzykalyq shyǵarmalar oryndaıdy. Konkýrs 2 kezennen turady.
Konkýrstyń nátıjesin 22 qyrkúıek kúni quramyna belgili óner qaıratkerleri toptasqan qazylar alqasy qorytyndylaıdy.
Konkýrs nomınasııalary boıynsha - Gran-prı, I oryn, II oryn, III oryn, dıplom jáne «Nurǵısa Tilendıevtiń shyǵarmalaryn úzdik oryndaǵany úshin» dıplomy belgilendi.
2025 jyly N.Tilendıevtiń 100 jyldyǵy halyqaralyq jáne respýblıkalyq deńgeıde keńinen atalyp ótedi dep kútilýde. Bıylǵy bul jas dırıjerler konkýrsy Qazaqstan Respýblıkasy Mádenıet jáne aqparat mınıstrliginiń qoldaýymen osy aıtýly is-sharanyń qarsańynda ótedi. Konkýrstyń ashylýjáne jabylý saltanatyna Mádenıet jáne aqparat mınıstrliginiń ókilderi, BAQ, zııaly qaýym, aıtýly mádenıet jáne óner qaıratkerleri qatysady.
Konkýrstyń qaǵıdalary Jambyl atyndaǵy Qazaq memlekettik fılarmonııasynyń jambyl-philharmonic.kz ınternet-resýrsynda ornalastyryldy.
ALMATY
