«Qoǵamdyq baqylaý týraly» zań azamattardyń qoǵamdyq baqylaý arqyly memleket isterin basqarýǵa qatysýyn qamtamasyz etý maqsatynda ázirlengen. Qujatta qoǵamdyq baqylaý nysany men sýbektisi týraly uǵym berilip otyr. Ortalyq jáne jergilikti memlekettik organdar, memlekettik organdar bolyp tabylmaıtyn, qyzmeti qoǵamdyq múddelerge baılanysty memlekettik mekemeler, kvazımemlekettik sektor sýbektileri, derbes bilim berý uıymdary, ortalyq jáne jergilikti atqarýshy organdardyń fýnksııalaryn oryndaýshylar qoǵamdyq baqylaý obektileri bolyp tabylady. Zańnamada qoǵamdyq baqylaýdy júzege asyrý quqyǵy nemese ókilettigi berilgen el azamattary, kommersııalyq emes uıymdar jáne ózge de sýbektiler qoǵamdyq baqylaý sýbektileri bolyp belgilengen.
Senatorlar sonymen qatar osy zańǵa ilespe «Qazaqstan Respýblıkasynyń keıbir zańnamalyq aktilerine qoǵamdyq baqylaý, ákimshilik rásimderdi jetildirý máseleleri boıynsha ózgerister men tolyqtyrýlar engizý týraly» zańdy da talqylady.
Senatorlardyń aıtýynsha, zańdardy qabyldaý elimizdiń jalpyulttyq basymdyqtary aıasynda oryndalatyn jobalardy sapaly iske asyrýdy, qoǵamdyq pikirdi, obektiler qyzmetiniń ashyqtyǵy men aıqyndyǵyn eskerýdi qamtamasyz etýge kómektesedi.
Talqylaý qorytyndysy boıynsha komıtet músheleri zańdardy Palata otyrysynda qaraýǵa jiberý týraly sheshim qabyldady.
