Almaty tur­ǵyn­da­ry elordalyqtarǵa qaraǵanda aqsha­ny kóp jumsaıdy

«Egemen Qazaqstan» gazetiniń tilshisi Abaı Aımaǵambettiń «Jalaqyńyzdy qaıda jumsaısyz?» atty maqalasynda Jusan tobynyń zertteý nátıjesi jarııalanǵan edi. Zertteýdiń nátıjesi tómendegideı boldy:

• Aı saıyn bazalyq shyǵyndarǵa orta eseppen 246,3 myń teńge nemese jala­qynyń 60 paıyzy ketedi;
• Eń kóp shyǵyndar jalaqy alǵan­nan keıingi alǵashqy 4 kún ishinde jumsalady;
• Megapolısterde jaıly ómir súrý jáne barlyq bazalyq shyǵyndar úshin kem degende aıyna 450 myń teńge qajet;
• Barlyq bazalyq shyǵyndardy qanaǵat­tandyrý úshin Almaty men Asta­nada jumys isteıtinderdiń jartysyna jýyǵynda (49%) shyǵyn­dar­dy óteý úshin jalaqy jete bermeıdi;
• Almatyda qarjylyq tapshy­lyq­qa tap bolatyndardyń sany As­ta­naǵa qara­ǵanda 4 ese joǵary;
• Ortasha tap ókilderine jalaqysy 700 myńnan 1,2 mln teńgege deıin alatyn jumyskerlerdiń 4,4%-y ǵana jatady. Olardyń kúndelikti shy­ǵyn­dary tabystarynyń 40-50%-yn quraıdy;
• Tabystary ortasha deńgeıden joǵa­ry jumyskerlerdiń úlesi ju­mys­pen qamtylǵan halyq ishinde bar bolǵany 2% ǵana.

Jusan Big Data derekteri bo­ıynsha 2022 jyly Astana men Almaty ju­mys­kerleriniń ortasha aılyq jala­qysy (salyqtar men áleýmettik jarna­lardy tólegennen keıin) 412,3 myń teńgeni qurady. Al osy rette negizgi qajet­ti­lik­ter­ge jumsalatyn shyǵyn­dar 246,3 myń teńge boldy nemese jalaqynyń 60%-yn qamtydy.

Zertteýge súıensek, Almaty tur­ǵyn­da­ry Astanaǵa qaraǵanda aqsha­ny aıyna 15%-ǵa kóp jumsaıdy eken. Jalpy, eki megapolıstegi ortasha jalaqy birdeı dese de bolady: elordalyq jumyskerler úshin 413 myń teńge jáne almatylyq jumyskerler úshin 412 myń teńge. Alaıda Almatyda bazalyq qajettilik shy­ǵyndary jalaqynyń 63%-yn ne­mese aıyna 261,6 myń teńgeni qurasa, mundaı shyǵyndar úlesi bas shaharda 55% nemese 228,2 myń teńgege teń.

Al 200 myń teńgege deıin jalaqy alatyn jumyskerler aqshasynyń kún­delikti shyǵyndardy óteýge jet­peı­di eken.