Jańalyqqa jany qushtar qazaq halqy jańa tehnologııa dáýirine tozyǵymen emes, ozyǵymen enýge nıetti. Túptep kelgende, eshbir shıkizat, qazba baılyǵy aqyl-oı jetistigin almastyra almaıdy. Sıfrlandyrý men ınnovasııaǵa, jasandy ıntellektige kóńil bólý – mine, bizdiń erekshe mán beretin dúnıemiz! Alpaýyt elder muny baıaǵyda túsinip, osy ıdeıany ulttyq qundylyq, memleket saıasatynyń ajyramas bóligi dep jarııalap ta qoıdy. Búgingi tańda sıfrlandyrý qoǵamnyń barlyq qurylymyn qamtyǵan. Oǵan qujat aınalymy tolyǵymen elektrondy formatqa kóshken bizdiń ulttyq ýnıversıtet te naqty mysal bola alady.
Bıylǵy Joldaýda erekshe nazar aýdarylǵan máseleniń biri – bilim berý júıesi. «Ár balanyń baqytty balalyq shaǵy bolýy kerek» dedi Memleket basshysy. Ol úshin balalardyń qaýipsizdigin, sapaly bilim alýyn qamtamasyz etý qajet. Joǵary bilim berý júıesi naryqtyq ekonomıkany, jumys berýshilerdiń múddeleri men qajettilikterin eskere otyryp, qaıta qurylýǵa tıis. Bul sózsiz eńbek naryǵyna, ýnıversıtet túlekteriniń jumysqa ornalasýyna áser etedi.
Qazir barlyq salada tyń mindetter men jańa talaptar qoıylyp otyr. Zaman kóshine ilesip, alǵa umtylý úshin sananyń ashyqtyǵyn qamtamasyz etý qajet. Bul máseleniń sheshimin Abaıdyń «Tolyq adam» tujyrymdamasynan tabamyz. «Aqyl, qaırat, júrekti birdeı usta, sonda tolyq bolasyń elden bólek» dep dana aqynnyń ózi aıtqandaı, jastarymyzdy bilimdi, ózine senimdi, izgilik pen jaqsylyqqa umtylatyn adam retinde tárbıeleý – osy kúnniń asyl muraty. Sondyqtan Abaıdyń sózderi – Ádiletti Qazaqstan qurýǵa umtylǵan el úshin árqashan jol kórsetýshi temirqazyq.
Memleket basshysy Qasym-Jomart Toqaev Joldaýda atap kórsetken «Adal azamat» uǵymy da – Ádiletti Qazaqstannyń arqaýy. Al el damýyna serpin beretin qujattyń ózegi eń aldymen adamı kapıtal ekenin esten shyǵarmaǵanymyz abzal.
Erlan SYDYQOV,
L.N.Gýmılev atyndaǵy
Eýrazııa ulttyq ýnıversıtetiniń rektory
