«Jaıly mekteptiń» jaıy pysyqtaldy

MJÁ salasynda atqa­rylyp jatqan jumystar týraly Ulttyq ekonomıka vıse-mınıstri Baýyrjan Qudaıbergenov baıandady. Atap aıtqanda, «Jaıly mektep» ulttyq jobasy aıasynda keminde 600 oryndyq orta bilim berý uıymdary nysandaryn salý boıynsha jańa tetikti engizý máselesi pysyqtalyp jatyr. Oqýshy oryndary Ulttyq jobada bekitilgen jobalaý mindetterine saı bolmaq.

B.Qudaıbergenovtiń aıtýynsha, joba Oqý-aǵartý mınıstrligi jasaǵan tizimge sáıkes ınvestor men bilim berý uıymy­nan turatyn konsorsıým qurý arqyly júzege asyryl­maq. Osy oraıda konsorsıým múliktiń menshik úlesin anyqtaıdy.

«Aýyldyq densaýlyq saqtaýdy jańǵyrtý» ulttyq jobasy aıasynda bıznes-qaýymdastyq MJÁ tetigi arqyly densaýlyq saqtaý nysandaryn senimgerlik basqarýǵa qabyldaýǵa qyzy­ǵýshylyq tanytyp otyr. Bul tetikti iske asyrý úshin kásip­kerlerdiń aıtýynsha, Densaý­lyq saqtaý mınıstrligi­ne qo­sym­sha qarjylyq quram­bólik engizý qajet.

Eske sala keteıik, 2023 jylǵy 19 sáýir­de Memleket basshysynyń tóraǵa­ly­ǵy­men ótken Úkimettiń keńeıtilgen otyrysynda MJÁ men jan basyna qarjylandyrý qural­dary arqyly ulttyq joba­lardy iske asyrýǵa bız­nesti bel­sendi túrde tartýdy qamtamasyz etý, onyń ishinde «Jaıly mektep» jáne «Aýyldyq densaýlyq saqtaýdy jańǵyrtý» ulttyq jobalaryn iske asyrý tapsyrylǵan edi.